Suscito - uppþot

Ný síða

2008-06-23T20:05:00.001Z

Ákvað að nota google accountið mitt frekar sem býður upp á fleiri og þægilegri möguleika :)

Og já, nýja síðan er http://www.studenthaffi.blogspot.com.

Ígrundanir

2008-06-08T00:51:00.002Z

Ég er ekki búinn að gera mikið í dag.

Ég er búinn að horfa á tvær bíómyndir, Akira og Ironman.

Mér fannst Akira betri.

Ég er með hausverk.

Í fyrradag fékk ég að vita að ég er að fara til Danmerkur í júlí (þ.e.a.s. ef við gerum ráð fyrir að það sé enn þá laugardagur).

Ég hef sótt um stærðfræði með áherslu á reiknifræði í HÍ næsta vetur.

Ég er kominn með réttindi á dráttarvél eftir þriggja daga frumnámskeið (sem lætur ökuskólann líta út sem himnaríki) og ég stóðst verklega prófið auðveldlega (sem fólst í því að keyra einn hring og bakka).

Þannig að ég mun vinna við slátt í Grafarvogi í sumar.

Ég á afmæli næsta laugardag og ég á enn þá eftir að ákveða hvort ég haldi það heima hjá mér eða ekki (ef þú ert að lesa þetta er þér líklega boðið en á eftir að senda út einhver formleg boðsheit).

Ég hef ákveðið hvað ég ætla að fá í afmælisgjöf frá Guðmundi.

Ég hef ákveðið að skrifa ekki fleiri ómerkilega hluti ykkur til ánægju og yndisauka.

Ég hef ákveðið að pína ykkur með fleiri punktum.

Ég skipti mjög oft um skoðun.

:)

Þetta var nú ekki það langt samt.

Tilkynning

2008-06-02T18:45:00.003Z

Langaði bara að láta þau ykkur vita sem enn þá líta inn á þessa blessuðu síðu að ég var að komast yfir eintak af hinum geysivinsæla leik Werewolves. Hann virkar eins og Mafía nema reglurnar eru betri og það eru ný og skemmtileg hlutverk.

Ef þið eruð til í eitt session af Werewolves þá er ég meira en til að vera sögumaður og spila líka með.

Svo þarf [X] 6. X líka að fara að skipuleggja D&D spilunina í sumar :)

Ég mun diffra!

2008-05-24T15:50:00.001Z

Svona í tilefni þess að aðeins eitt próf er eftir þá fannst mér þetta viðeigandi :)

Vonvillta blómið

2008-05-07T12:31:00.004Z

Fræi var í jörðu villta sáð

von þess sólu á himni björtum sá.

Teygði upp anga sína, blómabreiðu á

bauð birtu sólar okkar, alla sína þrá.

Sólin varð við beiðni bjartra þráa

sem beina geislabjarma á blómið bláa.

„Myndi það loks verða vinur minn?“

það vonaði og leit upp í himininn.

Með voninni það óx í aðra átt.

Í arma bláa blunda myndi brátt.

Er nær dróg útlit geyst varð grátt.

Var glæsta blómið ekki lengur blátt?

Það vafði sig um blómið forna bláa

bað um skýringar á litnum gráa.

„Því miður ég er ekki af sömu sort“

Skyldi hér í tilgangsleysi ort?

Blómið sem af fræi í heiminn fæddist

í fagnaðs leysi hægt að jörðu læddist.

Brátt myndi koma harður, kaldur vetur

kannski næsta sumar gert það gæti betur.

Hugleiðingar

2008-04-28T22:16:00.002Z

Ljóðið sem ég er að semja á við e-a fæðingaörðugleika að stríða svo ég ákvað að blogga í pásu minni frá sögulestri um e-ð innantómt og ómerkilegt svo ykkur finnst ekki eins og þið séuð að lesa e-ð mikilvægara en blessuðu mannkynssöguna (þ.a. þið getið alveg farið að lesa sögu aftur). Reyndar var ég að lesa söguna áðan og hugsaði: „Heyrðu, þetta gerðist allt í alvöru“ og það veitti mér gjörsamlega nýja sýna á allt sem ég hafði lesið. Mér leið ekki lengur eins og ég væri að lesa leiðinlegt Andrésar-Andar blað sem hafði langa Mikka-Mús sögu, heldur frekar alvöru mannkynssögu - Hvílíkur léttir. Ég yrði allavega fyrir miklum vonbrigðum ef Hlegi Inglófs (Nafnið er viljandi vitlaust stafsett svo ekki sé hægt að gúgla það (Ég veit-ég er paranoid)) tæki í hendina á mér eftir prófið og segði: „Heyrðu, þetta var allt bara djók, saga er bara fag sem kennararnir hér í MR fundu upp“.

En já, hversu inntantómt sem þetta var þá getur það orðið innantómara. Um daginn var ég að pæla í bakteríugróðrinum á tungunni minni (Ég vissi að það gæti verið innantómara!). Ég hef alltaf verið með e-n helvítis bakteríugróður á tungunni. Þegar ég var 11 ára hélt ég að ég væri með AIDS því eitt af einkennunum voru bakteríugróður á tunginni. Ég þorði hins vegar ekki að segja neinum um þessar efasemdir mínar gagnvart bakteríugróðrinum á tungunni minni og lifði því stanslausum ótta um að deyja úr AIDS e-n þriðjudaginn. Ég meina, hvaða móðir barnsins síns myndi vilja halda að barnið sitt væri með AIDS vegna bakteríurgróðurs á tunginni? Þegar ég var 13 ára spurði ég lækninn minn um bakteríugróður á tunginni og hann lét mig fá lyf sem virkaði ekki fokkass sjitt. Fyrst lyfið virkaði ekki varð ég enn þá meira paranoid um að þetta væri AIDS vegna bakteríugróðurs á tungunni! Í dag er ég hins vegar viss um að ég sé ekki með AIDS en ég er enn þá með bakteríugróður á tunginni sem er orðið frekar þreytandi orð í þessari færslu. Af öllu ofantöldu verður fólk sem kyssir mig að sætta sig við að eiga á hættu að fá bakteríugróður á tunguna en það er alveg þess virði því ég fæ víst 14 í einkunn fyrir kossa á skalanum 1-10 en ekki er enn vitað hvort rekja megi þá hæfileika til bakteríugróðurs á tungunni.

Gangi ykkur vel með söguna

Karma

2008-04-19T22:47:00.002Z

Í næsta lífi hef ég ákveðið að eignast ekki vini sem eiga afmæli í miðju prófatörni. Það er alveg hættulegt...

Alveg einstaklega hættulegt, maður ætti að forðast þannig fólk!

En það er samt alveg yndislegt að eiga góða vini.

Vá... Ég ætti að fara að læra jarðfræði áður en ég dey hérna fyrir framan tölvuna... -_-

Leti

2008-03-30T21:24:00.004Z

Hann vaknaði við heita sólargeisla sem börðust í gegnum rifurnar á gluggatjöldunum. Klukkan var bara sjö en sólin hafði strax hafið sýna daglegu göngu yfir himininn. Hann yrði að gera einhvern tíman við þessi gluggatjöld, þetta gengi ekki lengur. Kötturinn hvæsti þegar hann steig næstum því á hann við ísskápinn, það var ekkert til, ekki einu sinni brauð. Jæja, þá þurfti hann að borða kattamat í morgunmat enn einn daginn.

Hann sat í makindum við matarborðið, löngu orðinn vanur hlandstækjunni vegna kattarins, ætti hann að fara í vinnuna í dag? Hann drattaðist á lappir, nennti ekki að klæða sig í og fór út í bíl á nærbuxunum einum fata. Hann rétt komst út úr bílskúrnum þegar hann sá að bíllinn var bensínlaus, „jæja, þá nær það ekki lengra“ hugsaði hann með sér og rölti af stað inn aftur. Á leiðinni inn var hann stöðvaður af nágrannanum sem vantaði far í vinnuna og það vildi svo heppilega til að hann hafði bensín heima við (en bíllinn hans var týndur).

Þeir óku af stað en gátu ekki komist langt því göturnar voru þaktar rusli. Rusl alls staðar og bærinn lyktaði eins og versti ruslahaugur. Þeir ákváðu því að stytta sér leið í gegnum kirkjugarðinn. Hálfgrafnar grafir voru dreifðar um allt og sums staðar lágu líkkisturnar opnar og hallandi niður í grafirnar. „Hvað er að þér maður!“ öskraði nágranninn skyndilega þegar þeir keyrðu yfir enn eitt líkið, „þetta var amma mín!“.

Hann kippti sér ekkert frekar upp við þetta frekar en að hann hafði verið í sömu nærbuxunum í þrjá mánuði. Hann fann gott stæði fyrir utan tannlæknastofuna sína og drattaðist inn. Það var lítið að gera svo hann ákvað að kíkja á sýnar eigin tennur. „Bara fjórar skemmdir“ hugsaði hann með sér, „laga það seinna...“. Fyrsti sjúklingurinn mætti um tólfleytið, hann var með sársaukafulla tannpínu í þrem tönnum. Þetta var of stórt verk fyrir hann svo hann skrifaði bara út þriggja mánaða recept fyrir parkódín forte - góð og auðveld lausn.

Klukkan eitt var hann orðinn þreyttur svo hann ákvað að kíkja á nýja fyrirtækið handan götunnar. Allir voru á iði en störðu á hann þegar hann stóð þarna á miðju gólfinu í nærfötunum einum fata. Hann fór ekki einu sinni hjá sér og spurði hátt og snjallt hvernig þau nenntu að vinna? „Leyndarmál fyrirtækisins“ svöruðu allir í kór.

Hann var forvitinn en nennti ekki að eyða meiri orku í þetta fólk svo hann gekk út, gleymdi bílnum sínum og flýtti sér heim. Starfsmenn nýja fyrirtækisins hópuðust að yfirmanninninum sem opnaði læsta skápinn í horninu. Hann tók út poka af efninu og blandaði því fyrir alla, það hafði ekki sést í þrjúhundruð ár, mannkynið var orðið of háð því og þau höfðu fundið það aftur, framtíðin var þeirra.

Framtíðin var kaffið.

Páskar, páskar, páskar og enn og aftur páskar! (sítekning)

2008-03-23T19:20:00.002Z

Já! (Upphrópun) Gleðilega páska kæru lesendur. Pistillinn mun ekki snúast um páskana að þessu sinni, heldur um e-ð sem snertir mannsálina og okkar innstu sálartetur (Breytt endurtekning). Eins og sést er ég búinn að lesa yfir mig af íslensku í þessu páska„fríi“ (klassískt háð). Mér leiðist líka frekar mikið, reyndar það mikið að stór hluti af páskafríinu hefur farið í að skapa forrit sem finnur fjölda talna undir hundrað milljónum sem eru samsettar úr tveim og aðeins tveim prímtöluþáttum. Ég er reyndar búinn að breyta forritinu nokkrum sinnum, sérstaklega þar sem fyrsta útgáfan hefði tekið yfir 3 ár í keyrslu við gróflega útreikninga. Ég reikna hins vegar með að útgáfan sem er að keyra núna verði búin að finna niðurstöðu á morgun, hvort hún verði rétt er ég hins vegar ekki alveg viss um.

Forvitnir lesendur, eða öllu heldur þeir sem voru að lesa (ég hef grunsamlega oft lent í skyndilesblindu þetta páskafríið, sérstaklega með Heimi Pálsson í huga...) eru kannski að furða sig á því hvers vegna ég vildi finna þessar tölur. Ástæðan er þessi, verkefnið kallast Project Euler og reglulega bætast við ný verkefni.

En jæja, ætli ég hafi ekki truflað ykkur íslenskulesendur nóg í bili, þið fenguð allavega að lesa smá íslensku í þetta skipti. Ég ætla að drulla mér til að lesa hana sjálfur.

P.S. þið 5 sem eigið eftir að svara spurningalista Valborgar í færslunni fyrir neðan - þið eigið eftir að gera það. Annars verður Valborg reið og læsir mig aftur niðri í kjallaranum. Ó NEI VALBORG ER AÐ KOMA ÆEJAÆ WLAA H JÁLP!!!

Spurningar sem ég þarf að svara og aðrir

2008-03-15T14:09:00.003Z

Valborgar skrifaði færslu á bloggið sitt um spurningar sem hún vill að fimm valdar persónur úr lífi sínu svari. Ég virðist vera ein þessara útvöldu persóna svo ef til væri bíómynd um líf Valborgar væri ég líklega ein af aðalpersónunum (*cheers*). Hérna er svo listinn:

Hvernig bíl keyriru? Ég á Huyndai Getz sem ég keyri oftast en stundum fæ ég Daewoo Tacuma lánaðann hjá gamla settinu ef Gummi er að nota Getzinn (og hann notar hann mikið og ég er að borga allt of mikið fyrir bensínið!). Svo átti ég einu sinni Skoda Fabiu en hún er dáin.

Hvaða drykk drakkstu síðast? Óútrunna léttmjólk með morgunmatnum mínum.

Ertu hamingjusamur/söm núna? Er bara e-s staðar mitt á milli held ég, spái ekki mikið í því hvernig skapi ég er í.

Hver kom síðast í heimsókn til þín? Hammerinn (Stóri bróðir minn) hann er meira að segja í heimsókn núna.

Drekkuru bjór? Nei ég er hættur því og þar að auki finnst mér ekkert sérstaklega eftirsóknarvert að vera fullur. Annars er ekkert að því að drekka einn bjór, það skiptir litlu máli til eða frá.

Hafa systkini þín e-n tímann sagt að þú sért ættleidd/ur? Nei, aldrei. Held að Gumma myndi ganga illa að fá mig til að trúa því að ég væri ættleiddur en ekki hann.

Hvað ertu með í vasanum núna? Húslykla, bíllykla, síma og veski með fullt af kortum sem ég nota næstum aldrei (T.d. kort fyrir Blend Crew sem ég hef aldrei notað, bókasafnskort frá því í grunnskóla sem ég er að henda núna, kort fyrir vildarpunkta sem ég hef aldrei notað og svo ökuskírteinið sem ég hef aldrei þurft að sýna).

Hver kynnti þig fyrir kærastanum/kærustunni? Er ekki í þannig hugleiðingum þessa stundina :)

Við hvern talaðiru síðast í símann? Birkir hringdi og spurði mig um e-ð sem hann hafði týnt og með minni hjálp tókst honum að finna það.

Hvaða DVD mynd er í spilaranum þínum núna? Engin en ég horfði síðast á The Mist sem er frekar slöpp mynd miðað við væntingar mínar til Stephen King.

Hvað ertu að hlusta á akkúrat núna? Harvest með Opeth.

Hvenær áttu afmæli? Ég fagna því að ég sé að deyja úr elli þann 14. júní á hverju ári.

Hvenær keyptiru bolinn sem þú ert í núna? Fékk hann í jólagjöf frá Pétri (stóra bróður).

Mannstu hvað kennarinn þínn hét frá því þú varst í 1. bekk? Já, hún hét Ásdís, þolinmóð manneskja. Man líka að leikfimiskennarinn hét Gréta og lét okkur fara í Tarzanleik í seinasta tíma fyrir jól.

Hefur einhver gefið þér rósir? Hmm, nei held ekki :(

Kanntu vel við foreldra þína? Þau eru orðin svolítið úrelt, ég þarf að fara að uppfæra þau - annars eru þau ágætasta fólk.

Hvort líkistu meira mömmu þinni eða pabba? Ég er mjög ólíkur báðum en í útliti held ég að ég líkist pabba meira.

Notaru bílbelti? Já það hefur bjargað lífi mínu a.m.k. einu sinni.

Ertu flughræddur? Nei, fæ bara adrenalínkikk ef það er e-ð áhættusamt. E-r til í að koma í fallhlífarstökk í sumar?

Ertu með einhver tattú? Neibb, ég er samt alveg búinn að ákveða hvernig tattú ég myndi fá mér ef ég þyrfti að fá mér tattú, annars er ég ekkert hrifinn af því.

Jæja þá er þessi listi búinn og ég held að ég hafi svarað flestu af hreinskilni.

*Uppfærsla*

Ég á víst að velja 5 manns til að svara þessum spurningum líka. Mér finnst samt leiðinlegt að spamma og þröngva einhverju upp á fólk ef það nennir ekki að gera þetta en þið sem hafið blogg eða heimasíðu hafið enga afsökun. Ég hef ákveðið að velja eina ofur persónu f(x) en þar sem f(x) er samfellt fall get ég Maclaurin liðað það svo hérna eru fyrstu fimm liðirnir:

Hörður

Einar Sverrir

Einar Axel

Svanhildur (Bjóst örugglega ekki við þessu)

Halla

Ef tré fellur í skóginum og enginn er nálægt, heyrist þá hljóð?

2008-03-04T16:01:00.004Z

Gardínurnar falla.

„Sérðu, ljósið“ hvíslar ókunn rödd í eyra mér.

Ég skima í kringum mig, það er niðamyrkur en lítil ljósglæta í horninu dansar í takt við stefið.

„Sérðu ljósið?"

Ég rétti út höndina til að finna manneskjuna sem hljómar nú fjarlægari en áður - „var þetta rödd án líkama?“ hugsa ég með mér.

Ég held áfram að þreifa fyrir mér í myrkrinu þangað til ég lem höndunum í vegg, ég hef takmarkaða stjórn á líkamanum.

Ljósglætan verður sterkari en lýsir ekki upp neitt, allt í kringum hana er kolsvart - „hvaðan kemur þetta ljós?“

Ég man að fyrir skömmu síðan var ég að taka föt úr fatabúð. Það hafði komið heimsfaraldur, ég passaði dyrnar meðan pabbi tók fötin, við vorum einir af fáum sem lifðu af.

Er ég dáinn?

Hvað gerði konan sem kom inn í búðina?

Ég man að ég valdi Adidas peysu.

Bakið á mér er ískalt og ljósið verður bjartara.

„Hvaða ljós er þetta?“

„Af hverju svarar enginn?“

Flestir sem höfðu lent í sóttkvínni voru dánir - „ég má ekki hugsa til baka, ég get ekki breytt fortíðinni“.

„Halló?“

„Þú ert ekki einn, við bíðum lausnarinnar“ heyrist frá ljósinu.

Ljósið byrjar skyndilega að tifa örar og stefið magnast.

Ohhh... þetta er vekjaraklukkan. Ég heiti þá ekki Friðrik og kem frá Moldavíu.

Þemamynd: Hvað sé ég?

Þessi sími er miklu svalari en iPhone!

2008-02-26T15:32:00.001Z

Mhm

2008-02-20T17:32:00.003Z

Ég er þessi gaur sem horfir í spegil þegar ég er ber að ofan og bíð eftir því að lítið alien skrímsli brjótist út úr bringunni - en það gerist aldrei.

Var að lesa þessa grein um aðra „jarðhnetti“ í sólkerfinu okkar (þ.e.a.s. Oort skýinu). Hversu kaldhæðnislegt væri það ef það væri önnur jörð á braut um sólu með sama brautarhraða og okkar jörð en bara akkúrat hinum megin við sólina?

Finn ég þef af samsæriskenningu?

Ólga dyggðarinnar

2008-02-18T18:10:00.002Z

Í gegnum skóga sköpunar

skundaði ég glaður.

Í skjóli skepnu glötunnar

ég skyldi verða maður.

Hún leiddi mig um leiðir

lífsins földu vega.

Hún sálu mína meiðir

ég meinum venst með trega.

Þótt greini ei milli glita

guma er hlýtur hnekki

þá hvort er betra að vita

eða vita ekki?

Reykingar

2008-02-08T14:56:00.000Z

Það er vitað að reykingar valda krabbameini.

Það er vitað að þær eru _mjög_ ávanabindandi.

Það fæst ekkert sérstakt kikk út úr því að reykja, fíknin er aðeins sefjuð.

Það kostar peninga, einn pakki á dag eru lágmark 10 þúsund króna útgjöld á mánuði.

Hvers vegna er þá enn þá til fólk sem byrjar að reykja!?

Ég vil fá góða útskýringu á þessu.

Ef þið týnist e-s staðar í myrkum og skuggalegum viðjum netsins þar sem barnaníðingar og glæpamenn dvelja skuluð þið ekki örvænta!

2008-02-04T17:56:00.000Z

Of mikið koffín er ekki af því góða :)

2008-02-03T15:46:00.000Z

AtomFilms.com: Funny Videos | Funny Cartoons | Comedy Central

Að vera eða vera ekki, ekki ég

2008-01-26T17:06:00.000Z

Í gær sagði bróðir minn mér fréttir. Hann var að fara í ferðalag með Kareni til Stykkishólms (góðar fréttir - ég veit). Það var hins vegar einn hængur á gjöf Njarðar (enginn veit hins vegar hver hinn raunverulegi galli á gjöf Njarðar var, það tengist víst fiskveiðum - þetta er ekki djók (þetta var ekki kaldhæðni (og þetta ekki heldur (bara til að vera viss þá er þetta satt (alltaf gott að tvítryggja sig (ef þið föttuðuð ekki djókið getiði haldið áfram að lesa)))))).

Guðmundur átti að vera að vinna í dag. Hmm, erum við ekki komin með mótsögn? Hvernig getur hann verið í ferðalagi og unnið á sama tíma?

*Klórar sér í hausnum*

Hérna kem ég víst inn í myndina. Í dag átti ég sem sagt að mæta í vinnuna fyrir Guðmund og þykjast vera hann. Ég mætti þarna stundvíslega kl. 13 þar sem ég hafði vitorðsmann í búðinni. Hann sagði mér að seinustu þrjá klukkutímana hefðu tveir komið að versla svo hjálp mín væri óþörf, sérstaklega þar sem ég kunni ekki á „kerfið“ og tala ekki frönsku.

Kveðja, „þykjustu“ Gummi.

Paul Telner næsti Borat?

2008-01-23T22:05:00.000Z

Önnur video sem hann hefur gert eru jafn frábær!

Makkanotendur gleðjist

2008-01-14T17:16:00.001Z

Núna fæst RSS widget fyrir bloggið svo þið þurfið ekki einu sinni að opna browserinn ykkar til að lesa nýjustu færslurnar.

Widgetið má sækja hér.

2008-01-11T21:56:00.000Z

Feisbúkk

2008-01-07T22:03:00.000Z

Flestir lesendur þessa bloggs, sem má líklega telja á fingrum þriggja handa, eru með feisbúkk aðgang. Feisbúkk var alveg fínt til að byrja með en nú er nóg komið, ég þoli ekki að fá 20 applications request á hverjum einasta degi og þurfa að samþykkja hvert og eitt þeirra til að vita hvað það er.

Oftast er það eitthvað bull og kjaftæði, hverjum er ekki drjólanum meira sama um það hvað þú hefur fengið mörg "hugs" frá vinum þínum? Af hverju þarf ég svo að senda 20 vinum mínum eitthvað heimskt application til að geta tekið eitthvað heimskt próf sem ég ætti hvort eð er ekki að vera að eyða tíma í, svo þarf ég að bjóða 20 vinum í viðbót til að sjá hvað kom út úr prófinu og að lokum 20 vinum í viðbót til að geta séð hvað vinir mínir fengu út. Mér gæti ekki verið meira sama hvaða þýska heimspekingi ég líkist, hvaða dýr ég líkist, hvað ég er kinky og hvað ég veit mikið um hvað stendur á facebook aðgöngum vina minna.

Sumir vinir verða að hálfgerðum "ruslakörfum" fyrir þessi request en ég meina það alls ekki svoleiðis svo ég afsaka núna ef þið eruð að fá tons af request frá mér og þið getið þess vegna hunsað það allt og í Guðana bænum hættið að senda mér svona vitleysu.

Ástæðan fyrir því að ég styð fóstureyðingar

2008-01-04T19:03:00.000Z

Hitler var dópisti

2008-01-01T18:17:00.000Z

Methamfetamín oftast kallað meth er skynörvandi efni og er stundum notað í meðferð við athyglisbrest ef önnur lyf hafa brugðist. „Lyfið“ getur einnig læknað þreytu og offitu en aukaverkanirnar eru hins vegar oft slæmar og aðeins má nota lyfið í 6 vikur í senn. Þegar meth kemst í heilann setur það af stað seyti serótóníns, dópamíns og noradrenalíns sem eru boðefni heilans en mikið seyti dópamíns veldur alsælu ástandi. Lyfið hefur hins vegar sínar dökku hliðar og er mjög ávanabindandi vegna truflunar á dópamín framleiðslu heilans. Sagt hefur verið að lífslíkur þess sem ánetjast meth eru minni en krabbameinssjúklings og að lyfið sé aðalorsakavaldur seinni alnæmisbylgjunnar á vesturlöndum. Lyfið veldur aukinni kynhvöt og fíklar á meth eru 6 sinnum líklegri til að sleppa því að nota smokk en aðrir. Niðurbrot Meth er í nýrunum og eitt af niðurbrotsefnunum er amfetamín sem veldur mikilli líkamlegri virkni í „vímunni“.

Það sem mér finnst hins vegar mest sláandi við þetta lyf er notkun þess í gegnum söguna. Lyfið var uppgötvað 1893 í Japan en virðist ekki koma aftur fram í dagsljósið fyrr en í seinni heimsstyrjöldinni, þessi textabútur ætti að geta sett stórt spurningamerki á andlit margra:

From 1942 until his death in 1945, Adolf Hitler was given daily intravenous injections of methamphetamine by his personal physician, Theodor Morell as a treatment for depression and fatigue. It is possible that it was used to treat Hitler's speculated Parkinson's disease, or that his Parkinson-like symptoms which developed from 1940 onwards were related to abuse of methamphetamine.

Þar hafiði það, Hitler var dópisti.

Ég er goðsögn

2007-12-30T00:57:00.001Z

Ég var að koma af I Am Legend í Álfabakka og er enn þá nokkuð tense eftir myndina (búinn að loka glugganum og passa að hundurinn sé ekki sýktur).

Myndin var hreinn gullmoli, áhugaverð, spennandi og tilfinningaþrungin. Samband manns og hunds má varla festa betur á filmu en í þessari mynd. Einsemdin, sem spilar stórt hlutverk í myndinni, nær vel til áhorfandans (á tímabili fannst mér ég vera einn þó salurinn væri troðfullur af fólki) og tónlistin var ekki af verri endanum.

Það var hins vegar eitt sem fór í taugarnar á mér (fyrir utan það hve óraunhæfir vondu kallarnir voru). Í öllum svona vírusauppvakninga myndum sem ég hef séð, Resident evil, 28 days later, 'Dawn of the dead' og fleirum gildir eitt ákveðið lögmál.

Hinir sýktu safnast alltaf saman og mynda sitt eigið bandalag. Mér finnst það á engan hátt vera sjálfsagður hlutur að ef vírus sýkir manneskju sem ræðst þá á allt að sú manneskja ætti að vera vinur annarrar manneskju sem ræðst líka á allt...

Bara pæling...

Annars er myndin æði, mæli eindregið með henni!

Smá sprell hérna í lokin á annars epískri færslu :)

Mafía

2007-12-29T02:18:00.001Z

Ég er orðinn mafíósi af verstu gerð. Að kvöldi til skunda ég um stræti borga og myrði fólk með köldu blóði með hjálp annarra mafíósa og terrorista. Á daginn lýg ég um stöðu mína innan samfélagins og það sem ég óttast mest er að geimverur taki völd á jörðinni. Borgarar, læknar, slátrarar og lögreglur óttast mig og geta lítið gert til að stöðva mig. Þetta blóðbað endar ekki fyrr en aðeins ég og mínir fylgdarmenn standa eftir lifandi.

Mafía er sem sagt nýi leikurinn sem við erum byrjuð að spila á spilakvöldum og miðað við fyrstu viðbrögð er hann víst einnig sá heitasti. Hann kemst jafnvel á sama stall og Fimbulfambið gamla og þá er mikið sagt!

Hver er til? Því fleiri, því betra :)

Jólin eru að koma!

2007-12-24T17:12:00.001Z

Gleðileg Jól og farsælt komandi ár! Takk fyrir allt liðna á árinu sem er að líða.

Þegar draumasólin dimmir skjótt
dyggðin setur klárinn.
Í ferðalagi um ljúfa nótt
liðið hafa árin.

Haffi

Jaxlarnir farnir

2007-12-21T12:59:00.000Z

Hann vaknar og nuddar stírurnar úr augunum, sem eru biksvört. Hann veltir sér á aðra hliðina í þessum framandi jarðvegi og byrjar að skoða í kringum sig.

Fyrir framan hann er risavaxið gangnakerfi sem líkist helst fráveitukerfi Kárahnjúkavirkjunar. Forvitinn og svangur stígur hann inn í göngin þar sem hættan leynist á hverju strái. Eftir langa leit finnur hann körfu fulla af mat og byrjar að kjamsa á þessu góðgæti.

Skyndilega heyrir hann tónlist úr fjarska, var þetta Queen? Hann gengur á hljóðið og kemst að lokum úr göngunum. Þar festist hann í gildru, hann labbar endalaust áfram en er samt fastur á sama stað, einhver hlaut að hafa lagt á hann bölvun!

Hið versta var hins vegar ekki yfirstaðið. Risavaxin krumla náði taki á honum þar sem hann reyndi að flýja en stóð fastur í stað. Hann gat sér enga björg veitt, hjartað fór í 300 slög á mínútu og risinn virtist ekki hafa neitt gott í hyggju.

Mér líður eins og hamstri núna...

Nýtt útlit

2007-12-16T22:09:00.000Z

Var kominn með leið á gamla útlitinu þ.a. ég ákvað að skella inn e-u nýju og fersku.

Geir Ólafs sagði á Kofa Tómasar frænda í gærkvöldi að síðan hans Haffa í 6. X væri orðin nógu heit til að bræða kertavax.

Hvað finnst ykkur, er þetta heitt eða kalt?

Laun um laun frá launum til launa

2007-12-10T14:42:00.000Z

Það er ótrúlegt hvað það er hægt að teygja lopann langt. Þannig er mál með vexti að ég vann hjá Reykjavíkurborg í sumar og fékk ekki útborgað á tilskyldum tíma. Ég hafði kurteisislega sambandand við yfirmann minn sem sagðist ætla að redda þessu fyrir mig. Eftir að hafa heimsótt hann u.þ.b. 7 sinnum var nóvember genginn í garð og enn þá bólaði ekkert á laununum, ég hafði víst orðið einhvers staðar á milli í kerfinu. Fólkið hjá Reykjavíkurborg lofaði öllu fögru og sagði að ég fengi launin um næstu mánaðarmót. Ég ákveð þá að fara ekki lengra með þetta fyrst málinu var lokið. En NEI! Enginn launareikningur kemur fljúgandi inn um lúguna í byrjun desember, endrum og eins hef ég samband við yfirmann minn. Hann er þá kominn í samband við e-n sem er í æðsta verkahring Reykjavíkurborgar. Sú manneskja lofar mér öllu fögru, segist ætla að redda þessu strax daginn eftir svo launin yrðu komin eftir 1-2 daga. Núna er liðin heil vika og þessir 1-2 dagar farnir að verða orðnir svolítið lengri en gengur og gerist.

Hvernig er þetta hægt? Það þarf bara að ýta á einn takka...

Helgin

2007-12-07T14:46:00.000Z

Public class Hafsteinn_aetlar_ad_laera
{
Public static void main (String[] args)
{
double a = kaffín í blóði;
double b = 0,5*(fatal skammtur af kaffíni í blóði);

while(helgi)
{
if(a≤b)
a += Kaffi(1 bolli);
}
}
}

---------
Annað að frétta er að mig hefur aldrei dreymt jafn skýrt og seinustu daga. Ég virðist vera að fara í gegnum e-ð skeið, vona að það haldi bara áfram. Í nótt dreymdi mig að ég væri með Bretum í seinni heimsstyrjöldinni og nokkrir Þjóðverjar reyndu að drepa mig en ég slapp. Maður ætti kannski að fara að skrifa þessa drauma niður og gefa þá út :)

Tvö ljóð sem mig dreymdi (og fyllti svo í eyðurnar)

2007-12-05T21:04:00.000Z

Til vina minna

Frá því ég fyrst sá þig hafa liðið nokkur ár,
laufin hafa fallið og himininn varð grár.
Innan hópsins engir flokkar
framtíðin hún verður okkar.
Góðir vinir lækna mín allra dýpstu sár.

Eitt væmið

Ég veit bara ei hvort þú sért að feika,
hvort lífið mitt óbrigðult sé við hug minn að leika
Þér yfir það sást
að ég hafði ást
Fyrir þig í óendanleika

Bömmer

Framhald

2007-12-03T22:30:00.000Z

Stundum er maður andlega fjarlægur vinum sínum þó maður standi við hlið þeirra líkamlega. Ég veit ekki með það almennt, kannski er ég ekki nógu hispurslaus í framkomu minni. En til þess að vera aðeins meira blátt áfram ætla ég að koma með næstu „vísbendingu“ sem birtist mér í draumi. Ég ákvað að skrifa niður þennan draum þar sem Valborg hefur víst gullið sæti í framhaldinu. Þið megið endilega reyna að ráða e-ð úr þessu. Hefjum lesturinn:

Ég er staddur í hraðbát við bryggju í Reykjavík ásamt ónafngreindum félaga mínum. Báturinn lætur ekki undan stjórn og stefnir á miklum hraða á Viðey. Við komumst á fast land í Viðey, allt verður svart og ég ranka við mér uppi á miðhálendi Íslands ásamt nokkrum félögum mínum. Gestur bekkjarfélagi minn var í föruneytinu og virtist alltaf vera ósammála hvert við ættum að fara svo ég reyndi að komast sjálfur til Reykjavíkur. Á leiðinni ferðaðist ég meðfram þjóveginum og reyndi stöðugt að fela mig fyrir e-m þyrlum sem sveimuðu um loftið. Þegar til Reykjavíkur var komið fór ég heim til Valborgar sem bjó núna í Grafarvoginum í „bláu blokkinni“. Ég stóð fyrir utan húsið og þá kom Valborg svífandi í litlu geimskipi niður af 7. hæð. Þegar hún var nýstigin úr geimskipinu kom risastórt laser skot frá himnum og splundraði geimskipinu hennar. Geimskipið lenti á bláu blokkinni og byrjaði að sameinast henni. Ég og Valborg fórum inn í bláu blokkina en þá var þetta geimskip víst fljúgandi spilavíti og við skelltum í einn stuttan Black jack.

Djöfull dreymir mig fucked up drauma...

Annars er mín túlkun á draumnum sú að ég virðist ekki geta haft stjórn á bátnum því ég vil geta haft stjórn á hlutunum. Hitt hljómar eins og e-ð sýrutripp... svo þreyttur *Reyni að sofna ekki á lyklaborðatwjlkæ389ttiofh*...

Genarannsókn

2007-11-29T18:16:00.000Z

Ég komst að því í gær að ég er genarannsókn - já... genarannsókn! Eftir að hafa grennslast í skrifstofunni hjá foreldrum mínum fann ég miða með talnakóða að peningaskápnum sem er í kjallaranum hjá okkur. Eftir að hafa spurt foreldra mína ótal sinnum hvað væri í þessum skáp án þess að fá svar varð ég bara að láta reyna á þessa talnarunu. Eftir að hafa snúið læsingunni í rétta legu small lásinn upp. Ég opnaði skápinn og ég átti ekki orð yfir það sem við mér blasti. Fyrir framan mig var hrúga af pappírum, skjöl um mig og bróður minn ásamt lítilli tösku sem innihélt nokkra lykla og gamalt ávísanahefti. Flest blaðanna virtust merkt fyrirtækinu DNA vision en eftir smá leit fann ég heimasíðu þeirra. Eftir að hafa lesið mig í gegnum samninginn sem þau létu foreldra mína skrifa undir og sem þau virtust hafa fengið himinháar upphæðir fyrir lagði ég loksins saman tvo og tvo. Foreldrar mínir hafa lifað tvöföldu lífi öll þessi ár, þau voru aldrei í venjulegri vinnu eins og aðrir foreldrar en voru heldur í gagnasöfnun fyrir DNA vision. Ég er ekki enn þá búinn að segja foreldrum mínum né Guðmundi að ég hafi komist að þessu. Tilfinningarnar eru náttúrlega í molum, mér líður eins og ég hafi verið notaður, eins og ég sé bara einhver vara. Á grundvelli allra siðferðisviðmiða finnst mér brotið á mér á svo marga vegu að ég á ekki yfir það orð. Eftir að hafa hringsnúist og fallið kylliflatur á jörðina rankaði ég við mér. Var þetta allt bara ímyndun? Var maðurinn sem slóg í jörðina bara ofskynjanir og skrýtna bragðið af seríósinu sem ég borðaði í morgun annað en bara bragð af gömlu seríósi?

Ég skrifa framhald þegar fleiri vísbendingar koma fram í dagsljósið.

The Tetris effect

2007-11-23T20:34:00.000Z

Undanfarið hef ég mikið verið að stunda þá iðju að spila hinn heimsþekkta tölvuleik Tetris. Uppáhaldskubbarnir mínir eru I og T andstætt við S og Z sem eru leiðindakubbar. Reyndar hef ég spilað Tetris svo mikið að ég er byrjaður að sjá ofsjónir, þegar ég loka augunum sé ég tetromino form raðar sér upp í raðir og stundum hrekk ég upp á nóttunni því kubbarnir detta of hratt. Eftir að hafa lesið um Tetris á Wikipedia komst ég síðar að því að þessi einkenni hafa nafn, The Tetris effect. Ég ætla að halda áfram að spila Tetris þangað til mörkin milli hins raunverulega heims og Tetris renna saman, bílar breytast í Tetris form á götunum, fólk raðar sér í raðir skv. Tetris reglum og ég get bara staðið á stöðum sem ég „passa“ í.

Tetris er æði, einhver til í lan?

Last minute gjafir

2007-11-17T19:02:00.000Z

Það er ekkert meira óþægilegt en að þurfa að kaupa gjafir á seinustu stundu. Ein af ástæðunum fyrir því að ég mætti ekki á Morfís í gær til að sjá MR "skíttapa" á móti FÁ var vegna afmælis Bjarna og Ingibjargar. Fyrir afmælið ákváðum ég og Gummi að kaupa gjafir en því miður var allt lokað! Guðmundur (sem var búinn að fá e-ð í sína stóru tá) fékk þá hina snilldargóðu hugmynd að fara í 10-11 sem var eina búðin sem var opin (við fórum samt fyrst í Lyfju og próteinduft var ekki nógu góð gjöf). Þegar í búðina var komið rétti hann mér Durex sleipiefni og nuddolíu, ásamt tveim bókum úr rauðu seríunni, Öðruvísi brúðkaup og svo annarri með mynd af slökkviliðsmanni framan án. Þarna stóð ég, í röðinni í 10-11, með sleipiefni og tvær létt erótískar bækur mér við hönd. Ég reyndi að forðast augnsamband við aðra sem stóðu í röðinni og gat ekki falið glottið sem heimtaði að sjá dagsljósið. Ég sé út undan mér að konan fyrir framan mig í röðinni horfir á mig brosa, því næst lítur hún á sleipiefnið og svo les hún titlana á bókunum, svo starði hún á mig, virkilega starði á mig í svona mínútu (tíminn líður svo hægt á svona mómentum). Aðrir í röðinni voru líka byrjaðir að fylgjast með þessum innkaupum mínum og mér leið eins og fífli. Þegar í afmælið var loks komið tók Bjarni ekkert það illa í gjöfina og stillti henni upp á náttborðið sitt, vona að það hafi bara ekki farið fyrir brjóstið á honum og Ingibjörgu ef svo er þá afsaka ég svona last minute gjöf sem eiga engan rétt á sér. Vona samt að bækurnar séu góðar ^^

Þegar vélmennaforriturum leiðist

2007-11-08T22:30:00.000Z

Stjörnuskoðun

2007-10-31T22:40:00.000Z

Maður fær bara bloggin send til sín í emailum og þarf ekkert að hafa fyrir þessu (bráðum fariði að fá viagra tilboð í gegnum bloggið mitt, ég er reyndar með cialis á tilboði núna)! Króatíski vinur minn Marko Čolić á reyndar heiðurinn að þessu bréfi. Held að ég sé kominn með þýskuna á hreint núna, þarf bara að æfa mig aðeins á Carsten.

The European Commission has just announced an agreement whereby English will
be the official language of the European Union rather than German, which was
the other possibility.
As part of the negotiations, the British Government conceded that English
spelling had some room for improvement and has accepted a 5- year phase-in
plan that would become known as "Euro-English".

In the first year, "s" will replace the soft "c". Sertainly, this will make
the sivil servants jump with joy.

The hard "c" will be dropped in favour of "k". This should klear up
konfusion, and keyboards kan have one less letter.

There will be growing publik enthusiasm in the sekond year when the
troublesome "ph" will be replaced with "f". This will make words like
fotograf 20% shorter.

In the 3rd year, publik akseptanse of the new spelling kan be expekted to
reach the stage where more komplikated changes are possible.

Governments will enkourage the removal of double letters which have always
ben a deterent to akurate speling.

Also, al wil agre that the horibl mes of the
silent "e" in the languag is disgrasful and it should go away.

By the 4th yer people wil be reseptiv to steps such as replasing "th" with
"z" and "w" with "v".

During ze fifz yer, ze unesesary "o" kan be dropd from vords kontaining "ou"
and after ziz fifz yer, ve vil hav a reil sensi bl rite n styl.

Zer vil be no mor trubl or difikultis and evrivun vil find it ezi tu
understand ech oza. Ze drem of a united urop vil finali kum tru.

Und efter ze fifz yer, ve vil al be speking German like zey vunted in ze
forst plas.
If zis mad you smil, pleas pas on to oza pepl.

-------------------------------------------------------

Var í einkar svalri stjörnuskoðun áðan í báðum merkingum orðsins svalur. Ég finn ekki fyrir fótunum á mér og þar af leiðandi fann ég mjög illa fyrir bensíngjöfinni á leiðinni heim - en við, föruneytið, komumst heim á endanum. Ég var hissa hvað stjörnuskoðun er í raun heillandi þegar maður er loksins kominn út úr skólastofunni og með kíkirinn í hendurnar, væri til í að hafa líka verklega stjörnufræðitíma, mæta í skólann kl. 5, væri það ekki næs?

Annars er stefnan tekin til Danmerkur á morgun til þáttöku í Eystrasaltskeppninni í stærðfræði. Sé ykkur vonandi flest eftir helgina, þ.e.a.s. ef þið viljið tala við mig...

Úlfur úlfur?

2007-10-29T22:02:00.001Z

Fékk þetta yndislega bréf áðan.
Mér er alveg sama hvort þetta
er vírusviðvörun eða keðjubréf,
því ég nota Mac, en mér finnst
þessi tölvuþrjótur hafa æðislegan húmor.
Skemmtilega írónískt hvernig
lífið hættir að vera fallegt
þegar tölvan manns hrynur...

Ef þetta er hins vegar satt væri ekki slæmt
að láta ykkur a.m.k. vita. :)

>Viðvörun!!!
>Allir sem nota  Hotmail,
>yahoo, aol og þessháttar 'online-mail'
>takið eftir!!
>Upp  hefur komið nýr vírus, þú færð
>tölvupóst með powerpoint
>skjali sem heitir  'life is beautiful'.
>Alls ekki opna hann!! Ef þú opnar hann
>kemur upp  gluggi sem
>í stendur 'it's too late now, your life
>is no longer  beautiful.'
>Þú munt tapa öllum gögnum í tölvunni
>þinni og manneskjan  sem
>sendi þér vírusinn mun hafa aðgang
>að nafninu þínu, e-maili og  leyniorðum.
>Þetta er nýr vírus sem kom upp á
>yfirborðið  á
>sunndagskvöldið, AOL eru búnir að
>staðfesta skaðsemi hans og að  antivirus
>forritin ráði ekki á hann.
>Vírusinn var búinn til af manni
>sem kallar sig 'Life owner.'
>Áframsendið þetta á alla sem
>þið  þekkið!!!!!
>Með von um að það sé ekki of  seint....

Blogg um blogg

2007-10-24T17:03:00.000Z

Bjóst aldrei við því að Arna líffræði kennari væri svona duglegur bloggari.

Hún leitast eftir því að vera jákvæð og hverfa frá þessu lífi sátt við sig sjálfa, Guð og menn . . . og að komast yfir egg-fíknina.

Wing

2007-10-18T18:58:00.000Z

Það sem þú lesandi góður varst að horfa (og hlusta) á rétt í þessu var söngkonan Wing frá Nýja Sjálandi. Þótt ótrúlegt megi virðast hefur hún gefið út 13 plötur sem skarta lögum eftir fræga flytjendur á borð við AC/DC, Bítlana og Elvis. Stjarna Wing fór rísandi eftir að í South Park þætti 903, "Wing", voru birt nokkur lög í hennar flutningi.

Þrátt fyrir að hafa fengið harða gagnrýni hefur hún haldið áfram að feta sig áfram í tónlistinni og fjármagnar sjálf sínar eigin plötur.

Hvað kemur næst? Willam Hung og Wing dúó?

Persónubundin kjarnsýra

2007-10-16T20:30:00.001Z

Erum við ekki ein?

2007-10-16T17:26:00.000Z

Ég hef ákveðið að gefa ekki svar við gátunni (nema gegn vægri þóknun). Þið sem vilduð næla ykkur í konungsríki og fagra prinsessu verðið því að leita annað, fyrir utan Hörð sem fann ágæta lausn á þrautinni.

En að öðru „konungsríki“ - nýlega fannst pláneta sem hefur svipuð skilyrði fyrir lífi og á Jörðu. Þessi jörð kallast Gliese 581C og er í 20 ljósára fjarlægð frá sólkerfinu okkar. Erum við dæmd til þess að lifa á Jörðu þangað til sólin „étur“ Jörðina eða munum við finna leið til þess að ferðast til reikistjarna á borð við Gliese 581C? Skv. mínum útreikningum tæki bíl u.þ.b. 18 milljón ár að keyra á 60 km hraða á klukkustund til plánetunnar ef bein hraðbraut lægi til hennar. Verður eðlisfræðilega mögulegt að komast til þessarar plánetu á innan við mannsævi eða erum við dæmd til að geta í mesta lagi sent þeim skilaboð sem taka 20 ár að komast á leiðarenda?

Gáta

2007-10-13T21:00:00.000Z

Það eru örugglega allir komnir með leið á heimilislausu fólki að borða rottur þannig að ein góð gáta gæti hugsanlega látið fólk fá matarlystina aftur.

Þú ert eftirsóttasti piparsveinninn í konungsríkinu og vegna þessa hefur konungurinn boðið þér í kastalann sinn til að giftast einni af þrem dætrum sínum. Elsta dóttirinn er heiðarleg og segir alltaf satt en yngsta dóttirin er óheiðarleg og lýgur alltaf. Miðdóttirin er hins vegar aðeins til vandræða og lýgur annað hvort eða segir sannleikann (Hún er sem sagt "eðlileg").

Vegna þess að þú munt verða giftur til æviloka viltu giftast yngstu eða elstu dótturinni því þú vilt ekki vera í efa um svör þeirra.

Vandamálið er nú að allar systurnar líta eins út og þú færð bara eina já/nei spurningu til að spyrja eina af systrunum einu sinni (og sú sem þú spyrð verður að geta svarað með já eða nei). Hvaða spurningu ættiru að spyrja til að tryggja að þú giftist ekki miðsysturinni?

Það er erfitt að vera heimilislaus

2007-10-09T17:34:00.000Z

Fleiri myndir hér.

Andlitsbók

2007-10-08T21:36:00.000Z

*Afslappað andrúmsloft með smá keim af svitalykt í Laugum*

Ég: Hæ, hvað kostar að fá lánaðan lás hjá ykkur?
Afgreiðslustelpa: Það kostar 500 krónur *Nær í lás* þú skilar honum bara þegar þú kemur til baka.
Ég: En bíddu aðeins, hvað kostar eiginlega lás?
Afgreiðslustelpa: 500 krónur (Greinilega ekki að láta mann vita).
Ég: Heyrðu, þá ætla ég að fá lánaðan lás og fá síðan að eiga hann...

Skrýtin verðlagning að mínu mati...

Annars er margt og mikið að frétta og meðal annars það að ég er kominn með aðgang að Facebook sem svipar að miklu leyti til Myspace, nema Facebook er miklu betra.

Sjáumst þar! :)

Gúglið og þér munuð finna.

Kjálkar

2007-09-30T00:15:00.000Z

Það er eitt að horfa á góða bíómynd í sjónvarpi.
En betra að horfa á góða bíómynd í bíó.
Þar af leiðandi hlýtur að vera yfirnáttúrulegt að blanda saman ísköldu vatni ("sjó" tilfinningu), hátölurum sem sánda í vatni, riiisaskjá og Jaws í Laugardalslaug.

Allavega hélt ég að þetta væri minn tebolli. Síðar komst ég að því að þetta te var algjört sull og bragðaðist þar að auki eins og klór...

Að halda niðri í sér andanum til að horfa á bíómynd er ekki kúl, hvað þá að þurfa að synda á meðan maður horfir á myndina. Enn kaldhæðnislegra væri að drukkna þegar maður horfir á Jaws í innilauginni í Laugardal.

Væri samt til í að skella mér á eina góða tónleika neðansjávar, einhver til?

Spilltu ósk

2007-09-10T21:07:00.000Z

Til þess að koma á smá lífi á þessari síðu og virkja lesendur til að kommenta hef ég ákvaðið að hafa einn lítinn leik í þessari bloggfærslu. Þessi leikur kallast svartsýnisleikurinn og hér eru reglurnar:

Ég óska mér og sá næsti sem svarar á að finna leið til að láta afleiðingar óskar minnar vera kaldhæðnislegar eða finna galla við hana.

Dæmi:

1. Ég óska að ég ætti Corvettu
2. Óskin er veitt, þú færð Corvettuna mjög ódýra því hún er af ruslahaugunum. Ég óska þess að ég gæti niðurhalið Wikipedia í heilann minn.
3. Óskin er veitt en nú getur fólk á netinu breytt minningum þínum. Þú varst fæddur af fílum og áttir í ástarsambandi við Marilyn Manson. Ég óska að ég fengi góða steik
4. Óskin er veitt, hvernig gengur megrunin? Ég óska að ég gæti ekki meitt mig.
5. Óskin er veitt en þú getur ekki keyrt eftir einstefnugötum á þriðjudögum, þá deyrðu. Ég óska heimsfriðar... o.s.frv.

Ef ekki er hægt að finna slæma hlið á ósk má gera tvennt, annaðhvort spilla henni eða segja að óskin sé ekki veitt.

Ég óska þess að ég vinni aðalvinninginn á Launamiðanum (100 þús á mánuði í 10 ár).

Tetris mania

2007-09-09T11:00:00.000Z

Myndi þetta ekki flokkast sem ofurkraftar? Það liggur allavega við...

Meth minute

2007-09-07T22:54:00.001Z

Á morgun er drukkið busablóð

2007-09-05T22:47:00.000Z

Sveitt keiluferð liggur að baki og ég rústaði Kidda 130 - 110. Feis. (Varð bara að skrifa þetta hérna)

Eeeeen ætlaði bara að koma með nýtt *thing* á bloggið, eftir hverja færslu birtist top 5 redirected urls svo ef þið ætlið að komast á listann verðiði að koma á síðuna frá link á ykkar síðu eða annarra.

Síðan hildur-arna.blogspot.com er sigurvegari þessarar færslu en listinn hljóðar svo

1. hildur-arna.blogspot.com
2. lukkurefurinn.blogspot.com
3. blog.central.is/alexandra_st
4. betterblack.blogspot.com
5. gurlic.blogspot.com

Ath. að ég get ekki séð hverjir koma frá hvaða síðum þ.a. margt fólk getur verið á bak við "stig" hverrar síðu.

Fjölbreytilegur dagur

2007-09-02T00:10:00.000Z

Margt hefur á daga mína drifið síðan ég kom heim frá Tenerife og væri það efni í meira en bara eina bloggfærslu. Þess vegna hef ég ákveðið að tileinka þess bloggfærslu deginum í dag. Þetta verður þá líkast til fyrsta færslan á þessu bloggi þar sem eitthvað dagbókarform fær að koma í ljós. Dembum okkur þá bara ofan í djúpu laugina...

09:10 Vakna fááááránlega þreyttur eftir kvöldið áður við útvarpsvekjarann minn sem er stilltur í botn á bylgjutíðnina 97,8. Nýja lagið með Jeff Who sem spilast eins og rispuð plata í botni og er að æra mig. Ég verð að standa upp til að slökkva á vekjaraklukkunni þar sem það kemur ekkert snooze til greina.

09:15 Fæ mér Special K (Ég meina, það má alveg vinna með þetta).

10:00 Mæti á slaginu 10 í MR þar sem hressir X-bekkingar og aðrir taka vel á móti okkur Gumma , tilbúnir í fyrstu stærðfræðiæfingu vetrarins.

12:30 Skila æfingunni með því hugarfari að gera betur næst.

13:00 Carsten "lanar" við mig í Elite beat sem er eins konar fusion leikur, ég vinn og hann heimtar rematch unns hann gefst upp að lokum.

15:00 Þríeykið skellir sér á Mínus tónleika á Laugaveginum þar sem rök stemmning tekur á móti okkur. Beil eftir tvö sveitt lög.

16:00 Kiddi kemur og í sameiningu tekst okkur að klára guðdómlega góða tölvuleikinn Resident evil 4 sem er án efa einn besti tölvuleikur sem ég hef spilað. Total gameplay til að klára leikinn slagaði hátt í 17 klukkustundir.

18:30 Pizzaveisla eftir góðan dag sem var þó alls ekki lokið. Guðmundur gerir þau mistök að panta fjórar pizzur fyrir okkur og allar með aukaosti og pepperoni, good job (en það má vinna með þetta).

20:00 Fer og sé Astrópíuna Ragnhildi Steinunni og félaga í fullum skrúða í Álfabakka og ég get vel tekið undir að þetta sé eina besta mynd íslenskrar kvikmyndasögu í sínum flokki. Hún er a.m.k. stórt stökk í skemmtanagildi frá myndinni Cocaine Cowboys sem ég sá seinast en hún var án efa með slöppustu myndum sem ég hef séð. Ef þið viljið missa vin eða slíta sambandi, bjóðið honum/henni þá á Cocaine Cowboys.

22:30 Fer að taka því rólega og ákveð að vera bara innipúki í kvöld.

23:30 Ákveð að skrifa þessa færslu þar sem ákvörðunin klukkutíma áður var ekki það sniðug.

00:00 Les færsluna yfir og finnst hún einstaklega nördaleg - íhuga betrumbætur.

00:15 Hunsa betrumbætur (en skrifa samt eitt ljóð) og pósta þessari færslu hvort eð er, ekki eru allir dagar eins, eða hvað?

Ef lífið er leikur þú verður að vilja
Veröld sem þú í mátt dafna
En eitt annað einnig þú verður að skilja
Að í lífi má velja eða hafna

Núna hef ég um tvennt að velja, bókina Þriðja táknið eftir Yrsu Sigurðardóttir (sem ég fékk í jólagjöf fyrir einu og hálfu ári og er enn þá í plastinu) eða The curious incident of the dog in the night-time sem ég keypti af einskærri forvitni.

Ég vel hundinn, hin má bíða í plastinu til seinna og betri tíma.

Nokkrar frá Tene

2007-08-25T12:33:00.000Z

Eftir að hafa orðið fyrir árás dökkhærðs skiptinema frá Englandi sem býr nú í kompunni undir stiganum með uglunni sinni og heitir Harr...

Nei djók, hann heitir Carsten og kemur frá Þýskalandi og er byrjaður í 4. T í MR.

Þessi bloggfærsla er hins vegar ekki um hann, heldur í tilefni þess að útskriftarferð MR til Tenerife 2007 er lokið. Þess vegna ætla ég að setja inn nokkrar vel valdar myndir úr seinni vikunni þar sem Gummi er með restina (og ef einhver veit um góða síðu þar sem ég get upphalað myndunum í albúm án vandkvæða má sá hinn sami gefa sig fram).

Látum sprellið hefjast:

Brettið sem Guðmundur leigði og sörfaði á.

Stuðmenn

Timburmenn á Burger King
6. X og föruneyti safnast saman til kvöldverðar

Íslendingar yfirtaka Food City - asískan veitingastað

Hlynur sýnir takta með asískum prjónum

Erlendur mundar hrísgrjónaskeiðina með semingi.

Leifar eftir skógareldana á Tenerife

Hef ekki tíma til að setja inn fleiri myndir, eins og áður var sagt, ef einhver veit um góða síðu fyrir restina af myndunum, t.d. Tógakvöldið og annað djamm, látið mig vita. :)

Ferðasöguframhald

2007-07-28T20:43:00.000Z

Mánudagur 16. júlí

Erum vaktir fyrir allar aldir (um sex leytið) sem var mjög hressandi, sérstaklega þar sem rútan hafði komið með okkur á dormið kl. 00:00 daginn áður og ég og Gunni farnir að sofa um eitt leytið. Tilefni þessarar vakningar var ekki af verri endanum þar sem liðinu var öllu skellt upp í rútu (sem ég hef fengið nóg af til lífstíðar) og ekið að ekta írönsku baðhúsi sem ilmaði af reykelsi og myrru (sem ég held að ég sé með ofnæmi fyrir). Fóturinn á mér var hins vegar ekki jafn sáttur og ég við reykelsisilminn og hótaði að sprengja nokkrar blöðrur á sér ef ég héldi áfram þessum eilífu gönguferðum. Ég ákvað hins vegar að hunsa hann og geng nú, sem betur fer, heill til skógar.

Núna sit ég í rútunni og lítill íranskur krakki lítur í dagbókina mína og reynir að lesa það sem ég skrifa á íslensku á meðan hann bryður hneturnar sínar.

Við ökum loks að mjög fallegum garði, verðum fyrir árás drekaflugna (sem ég kemst síðan að að eru ekki hættulegar). Batteríið í myndavélinni minni var búið en allt fólk með eðlilegan smekk fyrir íranskri garðlist ætti að hringja í Gunnar Atla og fá myndir hjá honum. Eftir heimsóknina í garðinn tók við annað sem var ekki alveg jafn náttúrulegt. Við fórum á stofnfrumurannsóknarstöð. Myndatökumennirnir voru náttúrlega alveg límdir við okkur og tóku mig meira að segja upp þegar ég klæddi mig í blátt plast yfir skóna mína. Þá reyndi ég í örvæntingu að komast fremst í hópinn til að losna við múgæsing fjölmiðlanna. Þá þurfti ég endilega að lenda á konu sem var að tala um stofnfrumur við áhugasama nemendur. Þegar ég kom inn í samræðurnar spurði hún á góðri ensku með írönsku hreim: „Does anyone know what a stem cell is?“ Mér til mikillar furðu neita allir í hópnum, þá bendir hún á mig og segir „Explain!“ Ég var þá tekinn upp og látinn útskýra fyrir hópnum allt um stofnfrumur á meðan rannsóknarkonan reyndi að fylla í eyðurnar, frekar spes. Eftir að hafa verið teknir í gegnum alla stofnunina stóð til að sýna okkur nýfæddu klónuðu kindina þeirra, Royanne sem fæddist á komudegi okkar til Íran, en því gafst ekki tími til þess :(

Föstudagur 20. júlí

Ferðin hefur bara orðið betri og betri, ég hef nú kynnst nokkrum Írönum, Króötum, Norðmönnum, Malasíubúum og gaur frá Georgíu. Í gær var íþróttadagur og ég reif upp tognunina mína frá því fyrir ferðina. Þetta gerðist í leik okkar gegn Búlgaríu en ég var í marki þegar einn leikmaður þeirra steig á fótinn á mér og beyglaði hann niður. Við unnum hins vegar í vítaspyrnukeppni 3-2. Fyrir leikinn hafði ég keypt mér „alvöru“ íranska íþróttaskó og það var svo mikil plastlykt af þeim að ég fékk blóðnasir um nóttina þegar ég hafði þá í herberginu. Eftir tognunina var ég tekinn af vellinum og læknir kom og kíkti á löppina. Þá var gamla tognunin í blóma og fóturinn var alveg stokkbólginn og lítil bólga byrjuð að myndast út úr gömlu. Læknirinn var ekki gleggri en það að hann hélt að ég væri alvarlega fótbrotinn og þyrfti að verða sendur á spítala hið snarasta. Ég harðneitaði og sagði að ég vissi alveg að ég væri bara tognaður. Eftir u.þ.b. korters rifrildi við lækninn náði ég að fá hann á mitt band, sérstaklega þar sem ég nennti ekki að hanga á spítala allan daginn. Þá ákváðu þau að gera allt sem í þeirra valdi stæði til að láta mér líða vel og komu með kaldan mangódrykk í dós (sem var ekkert kaldur) og vöfðu um ökklann þar sem þau voru ekki með neitt kalt. Eftir stutta stund kom svo ung kona vafin í svartar reifar og reddaði málunum með deifikreminu sínu.

Ég vaknaði stuttu seinna við suð í moskítóflugum við andlitið á mér, það var komið kvöld og lokahátíð íþróttadagsins var að hefjast. Við vildum ekki missa af þessu frábæra tækifæri, sérstaklega eftir að hafa orðið vitni að opnunarhátíðinni. Við urðum ekki fyrir vonbrigðum, kynnirinn var jafn lélegur og áður, kona vafin í svartar reifar með 900 orða orðaforða í ensku. Maður verður bara að sjá til að trúa...

Glöggir lesendur gætu hafa tekið eftir að nokkra daga vantar inn í ferðasöguna (og nokkrir eru eftir) en í þessum dögum sem ég hef sleppt hingað til, eins og verklegu keppninni, ferð í nokkrar moskur, kaþólska kirkju, söfn og fleira lenti ég í vandræðalegasta atviki ferðarinnar sem ég ætla að birta hér á netinu, uncut version.

Ég: *Sit á rúminu og ber á mig sólarvörn, kannsi aðeins of mikið þar sem það slettist smá í lakið en ég læt það bara í friði, pakka sólarvörninni niður og fer að lesa*

„10 mínútur“

Hurðin herberginu opnast, hreingerningarliðið kemur inn, 7 konur og einn karl. Karlinn byrjar að moppa sturtuna en ein kvennanna hunsaði mig gjörsamlega, gekk beint að lakinu, tók það upp og byrjaði að þefa af því. Þá tók hún eftir sólarvörninni og á svipnum hennar að dæma var ég fullviss um að hún hélt ekki að þetta væri sólarvörn. Upp úr þessu hófust hlátrasköll og píkuskrækir á persnesku sem ég gat engan vegin skilið. Núna skildu þær ekki enskuna mína lengur og ég reyndi að útskýra hvað þetta væri en þær voru bara með athyglina við lakið mitt. Ég sagði þá bara: „Lock the doors when you're done“ og labbaði út þar sem ég gat ekki þolað vistina í þessu herbergi lengur.

Þegar ég kom aftur var svo ekkert lak á rúminu mínu :(

Nýja vinnan og ferðasöguframhald

2007-07-25T17:59:00.000Z

Eins og titillinn gefur til kynna er ég kominn með nýja vinnu að Tene. Vinnustaðurinn samanstendur af illgresi þar sem eitt og eitt smáblóm fær að rísa inn á milli. Já - þú giskaðir rétt, ég er byrjaður í bæjarvinnunni! Vinnan er nú ekki það slæm, núna er ég sem sagt gaurinn sem málar gulu brotnu línurnar upp við kanta sem merkir að bannað sé að leggja þar. Ef þið búið innan Reykjavíkursvæðisins og einhver er alltaf að leggja fyrir innkeyrsluna ykkar megiði endilega bjalla í mig og ég kem og redda málunum. Það gæti reyndar dregist smá á langinn þar sem mottóið á vinnustaðnum er: „Ekki gera e-ð í dag sem þú getur látið aðra gera fyrir þig á morgun“ en flestir sem þekkja mig vita að ég er ekki þannig. En eins og áður kom fram má finna allmörg illgresi á þessum stað eins og þetta samtals gefur t.d. til kynna:

Ég: *Hnerr*
Starfsm.: „Guð hjálpi þér!“
Ég: *Hnerr*
Starfsm.: „Hvað er eiginlega að þér?“
Ég: „Ég er með grasofnæmi.“
Starfsm.: „Þýðir það að þú megir ekki reykja gras?“
Ég: *Slæ hann í hausinn*

...og hann meinaði þetta.

Dagur 3 í Íran
Við erum vaktir klukkan 06:00 við það að team guide-inn okkar, Payman, ræðst á hurðina okkar. Þar sem ég hafði aðeins fengið 5 tíma svefn var ég ekki mjög sáttur en ég iðaði allur í skinninu vegna þess að skriflega keppnin átti að hefjast innan tveggja tíma svo ég lét mig fá það að drattast á lappir. Við skelltum okkur í morgunmatinn þar sem ég fékk mér morgunkorn, þegar ég byrjaði síðan á því komst ég að því mér til mikillar undrunar að mjólkin var heit, ekki volg heldur sjóðheit. Það kom mér svo á óvart að þetta bragðaðist ekkert illa.

Eftir það var okkur smalað í keppnina sem mér gekk svona semi í. Dæmi um efni sem spurt var um voru þéttar, víddargreining, Hawking geislun og tvístirni. Eftir keppnina skoðuðum við svo aðaltorgið í Isfahan sem hefur titilinn næst stærsta torg í heimi. Það er víst svo stórt að hægt væri að stafla 10 milljón manns inn í það. Fóturinn minn (sem var orðinn fjólublár og svartur á því tímabili) var ekki svakalega ánægður yfir þessum gönguferðum en lét sig hafa það að ganga yfir torgið því leiðsögumaðurinn okkar, Amir, var einum of metnaðarfullur. Dæmi um metnað hans til að sýna okkur menningargersemi Íran var t.d. sú að núna veit ég að lítill þríhyrningur í horninu á hverri mosku sýnir stöðu sólar og gefur til kynna hvenær skal biðja til Allah. Ég er svo sáttur yfir því að vita þetta.

Eftir að hafa gengið þvers og kruss yfir torgið fengum við sérstakan íranskan ís með grænmetisbragði - ekki kúl. Skoðunarferðin tók loks enda og við snæddum kvöldverð í einu fínasta hóteli Isfahan og var því öllu sjónvarpað beint í írönsku sjónvarpi. Þar komust drengirnir loksins í alvöru Coca Cola og byrgðu sig upp af því til næstu daga.

Dagur 1

2007-07-23T22:12:00.000Z

Langaði bara að láta ykkur vita að ég er kominn frá Íran eftir 10 daga ferðalag. Þið sem eruð að vonast eftir póstkorti frá mér megið alveg hætta að hlakka til því ég býst við því að kortin komi ekki fyrr en eftir 2 mánuði. Í fyrsta lagi kostaði 180 dollara að senda 18 póstkort með hraðpósti svo ég valdi frekar að borga 18 dollara og láta senda þau sjóleiðis. Í öðru lagi þurfti ég að láta team guide-inn minn sem hét „Loforð“ á persnesku fá kortin og hann á örugglega ekki eftir að póstleggja þau í náinni framtíð ef ég þekki hann rétt.

En vinklum okkur þá að ferðasögunni.

Föstudagurinn 13. júlí

Í gær lentum við í Íran eftir u.þ.b. 22 tíma ferðalag frá Íslandi. Við lendingu í Tehran voru passarnir strax teknir af okkur og okkur djögglað inn á C.I.P. svæði (Commercially important persona). Hvert sem við förum erum við teknir upp af myndatökumönnum sem var orðið svolítið þreytt á tímabili. Hins vegar var þetta C.I.P. svæði ekki af verri kanntinum, Íranirnir mokuðu ofan í okkur kökum og öðrum gómsæti svo ég gat ekki sofnað vegna niðurbrots sykur í líkamanum. Loksins láta þeir okkur fá þær yndislegu fréttir að vísað sem við fengum sé ekki gilt og að þeir þurfi að redda nýju. Þetta ferli tekur u.þ.b. 6 klukkutíma og við reynum að festa svefn í lounge-inu. Svo loksins þegar þeir hafa talað við yfirvöld og æðsta prest er okkur komið inn í einhverja skítarútu sem var örugglega án gríns heitari en bakarofn.

Okkur var síðan ekið að næsta flugvelli þar sem rúta með liðinu frá Singapore beið okkar. Liðið frá Singapore var frekar ófélagslynt en einn liðsmannanna þeirra, Sheryl, reyndi að mingla við mig. Við reyndum í sameiningu að drekka íranskt jógúrt sem ég hélt fyrst að væri mjólk. Síðar komst ég að því að Íranar búa til jógúrt með því að vatnsþynna súrmjólk og bæta síðan úti í nógu miklu saltmagni að maður kúgast við fyrsta sopa. Ég lifði þessa lífsreynslu af en ég heyrði lítið frá Sheryl það sem eftir var ferðarinnar svo ég get ekki staðfest neitt í sambandi við hana - en svona án gríns, þetta jógúrt var einn mesti viðbjóður sem ég hef látið upp í mig.

Á leiðinni til Isfahan komst ég svo að því að Íranir halda að umferðarreglur séu fyrirbæri úr annari vídd. Hámarkshraði alls staðar er 120 km/klst og stundum breytist 2 akreina vegur í akreinar fyrir 4 bíla. Línurnar á veginum eru utan sýnilegs litrófs Írana þannig að evrópubúar eru þeir einu sem geta séð þær. Einnig gildir að sá sem er frekastur, hraðastur og með háværustu bílflautuna fær að ryðjast fram úr hinum. Flestir bílar eru eldri en 20 ára enda er mjög dýrt að flytja bíla inn í landið vegna þess að Íranir framleiða sína eigin bíla (sem eru ekkert augnayndi). Einnig er ekki óalgengt að sjá fólk á skellinöðrum sem eru að brotna í sundur og þegar ég segi fólk, þá meina ég fólk, ekki manneskja. Við erum að tala um að ein skellinaðra hélt fjögurra manna fjölskyldu án neinna vandkvæða.

Þegar við komum loks á hótelið eftir u.þ.b. 34 tíma samfellt ferðalag varð ég mjög glaður þegar ég sá að klósettin samanstóðu af holu í jörðinni og slöngu til að spúla sig eftir á. Mér var svo kurteisislega bent á að það væri ein eðlileg klósett aðstaða fyrir allan ganginn. Núna vorkenni ég því sem þetta klósett hefur þurft að þola í gegnum þessa 10 daga, samt ekki af minni hálfu, heldur allri hæðinni sem var ekki vön því að kúka standandi.

*shrugs*

Meira seinna! :)

Krónísk hamingja

2007-07-10T17:39:00.000Z

Í gær þegar ég var að stunda hina skemmtilegu iðju, knattspark ásamt Bjarna og félögum Árna við Hjallaskóla í Kópavogi (samt var Árni ekki með, frekar fyndið) tókst mér að misstíga mig frekar illa. Mér fannst það a.m.k. hljóma illa þegar ég heyrði smell frá öklanum mínum sem vildi endilega sleppa laus úr liðnum, núna er ökklinn minn sem sagt laus og liðugur ef svo má að orði komast. Eftir að hafa næstum ælt af sársauka komst ég án frekari vandræða upp á Bráðadeild Landspítalans og var mættur þar kl. 22:15. Þar tekur einhver hjúkrunarkona á móti mér, setur mig í hjólastól og einhverjar bráðabirgðaumbúðir á fótinn. Ég, svaka feginn að þær sé svona röskar, varð frekar vonsvikinn þegar þær keyrðu mig fyrir framan sjónvarpstæki og tilkynntu mér að það væri í kringum klukkutíma bið. Ok, ég get sætt mig við það, en ekki ökklinn á mér sem þráði ekkert heitara en að slíta sig út úr líkamanum á mér. Þarna var ég sem sagt píndur til að horfa á sjónvarp, eitt af 11 verkfærum satans og mér var ekki einu sinni boðin verkjatafla. Tíminn líður, móttakan fyllist af fólki með mánudagsvandræði eins og ég, gömul kona spyr mig fjórum sinnum hvort ég sé brotinn og hóstar síðan á mig og svo verður klukkan 23:15. Konurnar í móttökunni segja mér að það sé smá bið. Biðin reyndist svo ekki vera neitt smávægilega því klukkan 01:30 var ég loksins kallaður upp næstum kominn með flogaveiki við það að horfa á sjónvarp í yfir þrjá tíma. Loksins var komið að því, þau ætluðu að lækna ökklann á mér! Ég sá ljósið á enda gangsins þegar konan keyrði mig inn í nýtt herbergi, með fullt af rúmum. Hún bendir mér á rúm númer 5 - „Þú átt að vera þarna“. Ég spyr hana í örvæntingu hvort læknirinn sé ekki á leiðinni og reyni að sýna mestu kurteisi sem ég hafði upp á bjóða með ökklinn minn bölvaði hjúkrunarkonunni í sand og ösku. Þetta herbergi reyndist síðan vera önnur biðstofa, ég var kominn upp í annan riðil, ég gat ekki gefist upp núna. Skyndilega byrjaði ég að heyra hrotur allt í kringum mig, ég var sem sagt ekki sá eini sem var að bíða þarna. Læknirinn kom loksins klukkan 02:00 og potaði smá í ökklann á mér, skoðun sem tók innan við þrjár mínútur, ég þakka honum hins vegar að hafa sent mig í röntgen myndatöku til öryggis. Eftir myndatökuna var ég aftur sendur í rúmið og þurfti að bíða í hálftíma í viðbót eftir lækninum sem sat inná kaffistofunni fyrir framan mig að drekka kaffi. Hann tilkynnti mér að ég væri ökklatognaður og mætti ekki spila fótbolta í 10 vikur! Hann gæti hins vegar útvegað mér einhver hjálpartæki ef ég vildi spila eitthvað (Var svo loksins kominn í rúmið heima þegar klukkan var farin að ganga fjögur).

Ég var hins vegar sáttur þegar hann sagði mér að ég kæmist örugglega til Íran á fimmtudaginn, jess! Hlakka til að kíkja á þetta áhugaverða land, taka þátt í Ólympíuleikunum í eðlisfræði og hlusta á fyrirlestur með Stephen Hawkings svo ætla ég að biðja hann um eiginhandaráritun eftir kennsluna... :)

En ef þið eruð að safna póstkortum og vantar eitt frá Íran í safnið eða ykkur langar bara í póstkort frá mér því ég er svo skemmtilegur megiði endilega panta.

Þangað til næst!

Hugljómun

2007-07-08T00:37:00.001Z

Var að koma úr afmælinu hennar Alexöndru með Inga Vífli alveg eldhress en ég er að fara að kenna eðlisfræði á morgun þannig að ég ákvað að vakna bara eldhress líka! Takk aftur kærlega fyrir partíið Alexandra!

En nú langar mig að spyrja ykkur kæru lesendur þessa bloggs, ef einhverjir eru, hvaða efni þið mynduð telja mig líklegan til að skrifa um í skáldsögu.

Þannig er mál með vexti að ég fékk góða hugmynd af söguþræði um daginn eftir að hafa spjallað við Loft í World Class (furðulegt hvernig hugmyndir spretta upp á ólíklegustu stöðum) hugmyndin vatt upp á sig og núna hef ég á borðinu hjá mér dágóðan lista hugmynda sem vinna má úr. Sagan sem ég hef í huga býður upp á marga stíla og fléttur en mér finnst mikilvægt að hún endurspegli sjálfan mig sem frumraun mín í skáldsagnasmíð. Ég hef ekki í hyggju að skrifa barnabók né ljóðabók, kannski seinna, en þetta efni myndi varla geta boðið upp á það. Þar að auki ætla ég ekki að skrifa um fósturlátsuppvakninga né klónun sem væri kannski meira efni í skrítlurnar hans Hugleiks Dagssonar. Ég fjárfesti einmitt í nýjustu bók hans um daginn sem hefur titilinn Ókei bæ og endurspeglar þannig afbökun íslenskunnar eins og hún leggur sig. En bókin er léleg, algjör skítur, enda skeindi ég mér með henni eftir að hafa klárað hana.

Djók, en hún er samt ekki jafn góð og fyrri bækurnar hans.

En aftur að skáldsögunni, á þetta að vera spennusaga, hryllingssaga, rómönsk ástarsaga geðklofa eða eitthvað allt annað?

Hitt og þetta í óreiðu

2007-07-03T22:28:00.000Z

Svolítið fyndið hvað mörg sannleikskorn leynast í svona stuttmynd "Æ, ég fékk ekki iPhone og núna verð ég að sætta mig við snúrur og kasettur á meðan börnin í Afríku deyja úr hungri og alnæmi - skítt með þau, ég vil iPhone!!! ÉG MUN DREPA FYRIR IPHOOOOOOOOOOOOOONE". Annars held ég að þetta iPhone æði sé að ganga aðeins of langt. Myndavélin er ekki einu sinni með flass og það er ekki hægt að taka upp video og svo er ekki flash stuðningur fyrir Safari. Myndi taka N95 fram yfir iPhone any day (segi bara svona). ;)

---------

Var að skoða leikjagagnrýni á gamespot um daginn sem er frekar ólíkt mér en þar rakst ég á þessa skemmtilegu gagrýni. Það lítur út fyrir að þessa gagnrýni sé bara skemmtilegri en leikurinn sjálfur!

¡ɐbǝ1pɐɹq (ıpuɐuoʌ) ʇsɯnɐظs pıʌ 'ıuuıs pɐ ɐظpǝʌʞ pɐ bǝ ɐ1ʇǝɐ nu uǝ

Ég er orðlaus

2007-06-30T17:56:00.001Z

Grimmd?

Núna er ég frægari en Árni Páls

2007-06-27T16:33:00.000Z

„Strákar! Ísland í dag er að koma eftir fimm mínútur að taka viðtal við ykkur, verið tilbúnir með e-ð skemmtilegt handa þeim.“

Dj***** var ég stressaður og svo fékk ég svo ljómandi skemmtilega spurningu sem tengist eðlisfræði engan vegin, mig langar helst til að skjóta mig núna þetta var svo vandræðalegt.

En þetta verður vonandi klippt út, ég bið til Guðs á hverri sekúndu að þetta verði ekki sýnt. Ef þetta verður birt mun ég flytja frá Íslandi og láta mig hverfa, skipta um nafn og láta brenna af mér fingraförin. Eða ég segist bara vera Gummi, það hefur virkað seinustu þrjú skipti.

Svo verður viðtalið ekki einu sinni sýnt í dag - þátturinn augljóslega ekki að standa undir nafni...

Skal samt láta ykkur, kæru lesendur, vita tímanlega á blogginu þegar þetta verður birt ef einhver áhugi er fyrir hendi :)

Fjallganga

2007-06-24T15:25:00.000Z

Í gær fór ég með Guðjóni, Jóa og Hlyni upp að Valshamri bak við Esjuna þar sem við klifruðum fram á rauða nótt. Frekar magnað að sjá sólina setjast og koma síðan strax aftur upp! Hérna fylgja svo nokkrar myndir úr ferðinni - njótið.

Valshamar og Hvalfjörður í baksýn.

Jói fetar sig upp.

Hlynur kominn hálfa leið upp Eilífðarleið.

Varðeldurinn okkar! :D

Frumstæði ofninn hans Jóa

Er að pæla í að kaupa mér kort í klifurhúsinu núna, adrenalínið sem maður fær úr þessari íþrótt er magnað. Ætli það sé ekki bara fallhlífarstökk næst?

Dragonforce

2007-06-23T19:11:00.000Z

Maður verður bara að bera virðingu fyrir svona gítarleikurum.

Amfetamín? Maður spyr sig...

Bara orðinn „celeb“

2007-06-21T16:41:00.000Z

Fyrir þau ykkar sem höfðu ekki aðgang að Mogganum í dag (Eins og t.d. Guðmundur) má finna brot úr fréttinni hér.

High stakes poker

2007-06-20T19:46:00.000Z

Póker er einstaklega skemmtileg hugaríþrótt að mínu mati sem reynir jafnt á hæfni spilarans til að klekkja á andstæðingunum og að halda eðlilegum svipbrigðum meðan á leiknum stendur. Derhúfa, sólgleraugu og hetta eru allt dæmi um hluti sem sumir pókerspilarar eru tilbúnir að nota til að ganga lengra í Póker„fíkn“ sinni. Ég hefði alveg verið sáttur við svona aukahluti um daginn þegar ég var einn eftir á móti spilaranum sem hafði hrifsað til sín 70% spilapeninganna á borðinu. Á meðan hann horfði girndaraugum á litlu spilapeningahrúguna sem ég átti eftir báðu hinir „föllnu“ um endalok þessarar kvalar, þessarar eymdar og volæðis. Við beygðum okkur undir þessi sterku orð og ákváðum báðir að fara ALL-IN, þar sem hvorugur gat aukið við veðmálið sýndum við hendurnar okkar. Ég var með ásapar, bestu byrjunarhönd í leiknum á meðan mótherji minn var með skitinn fjarka og tvist, ég var viss um sigur og hafði fulla ástæðu til þess að fara all-in! Floppinu var skellt á borðið, þristur, sjöa og sexa, möguleikar andstæðingsins gagnvart mér voru sláandi litlar, næsta spil var lagt á borðið, hjarta gosi, þetta spil kom á besta tíma, andstæðingurinn átti ekki sjéns í mig. Svo loksins, á rivernum kemur þetta mjög svo skemmtilega spil - niðurstöðuna má sjá hér fyrir neðan. Lesendur ættu að geta gert sér í hugarlund tilfinningar mínar gagnvart borðinu á þessari örlagaríku stundu og þess vegna leyfi ég myndinni að tala.

Hvað annað hefði ég getað gert í stöðunni?

Mig langar í svona!

2007-06-19T18:03:00.000Z

Þetta er mögnuð græja, smellið hér.

Núna verður maður að passa sig að hella kaffinu ekki niður...

List, klám og fistingar

2007-06-15T19:01:00.000Z

Var áðan að finna nokkrar skemmtilegar myndir sem ég er búinn að taka á símann minn nýlega, vona að þið hafið jafn „gaman“ af þeim og ég. Hérna eru fyrstu tvær:

Hér má sjá nýju súluna fyrir utan Laugar, ekkert athugavert við þessa mynd til að byrja með annað en að fólkinu hefur á óútskýranlegan hátt tekist að mynda súlu úr orgíunni sinni.

Skoðum listaverkið nú aðeins nánar, þetta var það fyrsta sem blasti við mér áðan þegar ég gekk í Laugar. Einhverri gellu hefur sem sagt tekist að reka handlegginn sinn, upp fyrir olnboga, inn í sparigatið á vini sínum í orgíunni.

Hvað finnst ykkur?

(Ég virði allar heilbrigðar skoðanir um list en mér finnst sjálfum að listamenn eigi rétt á (og þurfi líka) almennri gagnrýni, listaverkið er sjálft frábært og frumlegt en líka svolítið fyndið :))

19 ára

2007-06-14T22:07:00.000Z

Síðustu dagar hafa verið mjög viðburðaríkir og dramatískir.

Ég fékk nýjan bíl sem verður arftaki Fabiunnar heitinnar, megi hún hvíla í friði. Gripurinn kallast víst Getz, 2004 árgerð, silfurlitaður og er ég bara tremma sáttur með kvikindið.

Ég náði þeim merka áfanga í lífinu að verða 19 ára án allrar utanaðkomandi aðstoðar og í fyrsta skipti held ég upp á afmælið án þess að Gummi sé hérna.

Ég fékk Skyrunner í afmælisgjöf. Held að eitt stykki myndband segi meira en 1000 myndir og þar með milljón orð (Lækkið ef þið viljið ekki verða fyrir varanlegum heyrnaskaða).

Takk fyrir afmæliskveðjurnar! (Guðjón, Árni, Kiddi, Alexandra, Gummi, Tómas, Gunnar Atli, Addi, Einar Bjarki, Tommi, Lísa, Valborg, Bjarni, Birkir, Hörður, Ásgeir, vinir Gumma í Frakklandi, Biggi, Loftur, Einar Sverrir og fleiri sem ég er örugglega að gleyma eða eiga eftir að skila kveðju).

Bless í bili.

Hey Joe!

2007-06-12T22:13:00.000Z

Ég er floddaður af þessu á myspace svo ég ákvað bara að taka þátt líka! :)

RULES:
1. Put Your itunes, windows media plyer etc on Shuffle
2. For each question, press the next button to get your answer.
3. YOU MUST WRITE THAT SONG NAME DOWN NO MATTER HOW SILLY IT SOUNDS

IF SOMEONE SAYS "IS THIS OKAY" YOU SAY?
Search and destroy!

HOW WOULD YOU DESCRIBE YOURSELF?
Can’t buy me love.

WHAT DO YOU LIKE IN A GUY/GIRL?
Steamrock fever.

HOW DO YOU FEEL TODAY?
Funeral for a friend.

WHAT IS YOUR LIFE'S PURPOSE?
Ridin’ (Úff, nei)

WHAT IS YOUR MOTTO?
Keep on rocking in the freeworld! (Þetta er óhugnanlega nálægt!)

WHAT DO YOUR FRIENDS THINK OF YOU?
Monkey gone to heaven. (Ok, ég skal muna það)

WHAT DO YOU THINK OF YOUR PARENTS?
Step into Christmas.

WHAT DO YOU THINK ABOUT VERY OFTEN?
I want to hold your hand. (Ætli það ekki)

WHAT IS 2 + 2?
Stop the Cavalry. (Svona gerist þegar maður leggur saman tvo og tvo)

WHAT DO YOU THINK OF YOUR BESTIE?
Born in the USA. (Þá hef ég greinilega ekki hitt mína „Bestie“)

WHAT DO YOU THINK OF THE PERSON YOU LIKE?
Innocence. (Hmm, er ekki viss með þetta)

WHAT IS YOUR LIFE STORY?
Motorcade. (NEI)

WHAT DO YOU WANT TO BE WHEN YOU GROW UP?
Close to you. (Awww)

WHAT DO YOU THINK WHEN YOU SEE THE PERSON YOU LIKE?
Positively 4th street. (Jább, hugsa þetta alltaf)

WHAT DO YOUR PARENTS THINK OF YOU?
The call of Ktulu. (Þau vissu þá af köllun minni allan tíman)

WHAT WILL YOU DANCE TO AT YOUR WEDDING?
Holiday.

WHAT WILL THEY PLAY AT YOUR FUNERAL?
Bard dance. (Mjög epískt)

WHAT IS YOUR HOBBY/INTEREST?
Everyday. (Svo ég er bóhemi, kúl)

WHAT IS YOUR BIGGEST FEAR?
Bye bye miss American pie. (Tjah, ef það stæði Icelandic en ekki American væri þetta ekki fjærri lagi)

WHAT IS YOUR BIGGEST SECRET?
That’s the way of the world. (Það er hægt að túlka þetta á svo marga vegu…)

WHAT DO YOU THINK OF YOUR FRIENDS?
Searchin’. (lol)

WHAT WILL YOU POST THIS AS?
Hey Joe!

Stuð, prófið sjálf!

Dagur 15 af 40, þetta er auðvelt

2007-06-07T19:41:00.000Z

Dagur 4 af eðlisfræðiþjálfuninni er liðinn og við höfum farið yfir flest allt eðlisfræðitengt efni sem ég hef lært í menntaskóla. Strax annan daginn varð liðið fyrir miklu áfalli þegar það var bólusett fyrir 106.000 krónur. Hinar alræmdu pestir Lifrarbólga A og B, Kólera og Salmonella eiga víst ekki sjéns í mig núna! Sem minnir mig á það að eftir 8 daga á ég að drekka aftur jukk með hindberjabragði og kóleruleifum, góður kokteill þar á ferð! Bókin sem við förum eftir í þjálfuninni er líka mjög skemmtileg, minnir mikið á efnafræðibókina, bara betri útskýringar og flottari dæmi. Hver hefur ekki áhuga á að lesa söguna um illkvitna nemandann sem vildi vita hvað gerðist ef hann kastaði melónu fram af 47 metra háu húsi? Ég væri allavega vel til í þannig tilraun sjálfur, held samt að skopparaboltar úr Hallgrímskirkjuturni hafi verið nóg af því góða nú um árið, sérstaklega því þeir lentu 2 metrum frá túrista. Svo var líka einstaklega skemmtilegt að reikna dæmið um stelpuna sem kastaði vatnsblöðru á bílrúðu, sérstaklega þar sem stóð fremst: "DON'T TRY THIS AT HOME", mig langar svolítið að prófa núna.

Í dag ákvað að skella mér á mánaðarkorti í World Class og geta metnaðarfullir lesendur vænst þess að sjá mig þar milli 16 og 18+ virka daga í Laugum og á morgnana um helgar í Spönginni líklega. Þar geta þeir gert tilraun til þess að safna svita mínum í glas og selja síðan dýrum dómum á Ebay, það hefur reynst vel hingað til.

I'm off pac-manning (Urban dictionary ftw!)

Vandamál

2007-06-04T20:09:00.000Z

Í morgun þegar ég vaknaði var ég að pæla í teningum og nú þegar að kvöldi er komið er ég enn þá að pæla í þeim. Vandamál mitt er svohljóðandi:

Er hægt að búa til reglulegan (allar hliðar eins) tening (Teningur er þá skilgreindur sem hlutur sem hefur jafnar líkur á hverri hlið sem kemur upp þegar honum er kastað) fyrir oddatölufjölda hliða fleiri eða jafnt og 5?

Ég er aðallega að pæla í einhverri reglu sem hægt væri að koma á teninga með oddatölufjölda hliða því með alla teninga með slétttölufjöld hliða þar sem hliðarnar eru 6 eða fleiri má taka tvær píramídalaga einingar og „líma“ saman á botninum.

Mig langar í reglulegan tening með 101 hlið til að spila íslenska spunaspilið Ask Yggdrasil.

Hundarnir

2007-06-03T16:02:00.000Z

Fór í göngutúr með Árna og við tókum hundana með.

Afrakstur ferðarinnar má sjá hér!

Freyja - Svört, snögghærð með hvíta bringu og hvíta sokka. 1/2 Labrador, 1/4 Minkahundur, 1/4 íslenskur hundur => "minnkaður" labrador (hundurinn minn og hún verður 4 ára eftir þrjá daga, sem sagt 28 ára í hundaárum!). Mjög blíð en frekar feimin, fílar sig mest undir einhverju, undir borði, undir stól. Hún geltir oftast á fólk þegar hún sér það í fyrsta skipti en svo oftast aldrei aftur, það er a.m.k. mjög óeðlilegt ef hún geltir ekki á e-n þegar hún sér hann fyrst.

Venus - Ljós, snögghærð, 100% Labrador í eigu Árna Reynis. Elskar vatn og að elta steina.

Lúna - Ljós, mjög snögghærð, feldurinn hennar stingur og er mjög teygjanlegur. 1/2 Border Collie og 1/2 einhver tegund sem ég man ekki hvað heitir, shai pei eða e-ð. Mjög ofvirk (sem er bara skemmtilegt) og í eigu Árna.

Misty - Svört 4 mánaða púðla sem Árni er að passa, frekar ofvirk.

Dagur 11 af 40, ég er að klikkast!

2007-06-03T11:42:00.000Z

You Are 80% Abnormal

You are at high risk for being a psychopath. It is very likely that you have no soul.

You are at medium risk for having a borderline personality. It is somewhat likely that you are a chaotic mess.

You are at high risk for having a narcissistic personality. It is very likely that you are in love with your own reflection.

You are at high risk for having a social phobia. It is very likely that you feel most comfortable in your mom's basement.

You are at high risk for obsessive compulsive disorder. It is very likely that you are addicted to hand sanitizer.

How Abnormal Are You?

Dagur 6 af 40

2007-05-29T19:58:00.000Z

Ásgeir - sigurvegari í nestiskeppni 5. X (Betra seint en aldrei)

Níels, Valborg og Alexander - Sigurlið körfuboltakeppni seinasta sunnudags í B1231ðh0lt1nu (Níels á aðallega heiður skilið) Viljum fá fleira fólk næst!

**********
B: Hvernig á að borga fyrir útskriftarferðina?
H: Með peningum?
B: Hvar og hvernig?
H: Í Öskjuhlíðinni þann 12. júní í plastpoka einum klæða.
B: Hættu þessu rugli!
B: Ég fór í Sorpu áðan og giskaðu hvað ég gerði?
H: Þú ældir.
B: Nei, ég leit ofan í einn gáminn og sá Harry Potter bók svo ég klifraði upp, tók bókina, hoppaði aftur niður og sá þá aðra bók sem mér hefur lengi langað í.
B: Svo ég klifraði aftur ofan í gáminn, kallinn sá mig og fór að skamma mig, ég brosti og sagði að mig hefur alltaf langað í þessa bók, hljóp inn í bíl, lokaði og keyrði burt.
H: Núnú og hvað svo? Var Þetta Kapteinn Ofurbrók?
B: Nei, gyllti áttavitinn, mjög góð bók, Kapteinninn var reyndar þarna líka, ég hefði átt að taka hann fyrir þig.
H: Nei, ég hef engan áhuga á sorpi úr ruslagámum, þar að auki er ég ekki þjófsnautur.

Hugarástand

2007-05-26T00:33:00.000Z

Mannstu fyrir langa löngu, sólin skein og máninn svaf. Sumarið var að koma, fuglasöngur ómaði í takt við goluna og sólargeislarnir dönsuðu í morgunskímunni. Hurðin opnaðist, lykillinn féll í gólfið og andlit nýrra möguleika brosti í gegnum dyragættina. Þig langaði út, sætur ilmur fyllti vit þín, í stað þess að vepjast í iðrum sængurinnar svífuru líkt og þú sért á skýi í átt að upptökum lyktarinnar. Mörg andlit birtast á vegi þínum, sum hissa, önnur glöð og sum jafnvel hlæjandi, það skiptir ekki máli - þú þarft bara að komast á leiðarenda. Lyktin verður sterkari og sterkari, þér finnst þú hafa gengið kílómetrum saman en samt hættiru ekki, það er eitthvað sem rekur þig áfram, eitthvað afl sem þú hefur ekki stjórn á, einhver hvöt sem veit hvað er rétt fyrir þig - þú gefst ekki upp. Dagurinn er að kvöldi kominn og lyktin verður sterkari með hverju skrefi. Þú ert löngu kominn yfir það stig að lyktin sé óbærileg, þér finnst þú vera að kafna, samt helduru áfram. Þessi sæti ilmur, þessi tilfinning, þessi sæluhrollur, þú vilt það en það sýnir sig ekki. Það leyfir þér bara að upplifa sig með einu skilningarviti, geturu upplifað það með fleirum?

Eftirförin er sögð betri en bráðin, ég held samt að mín bráð sé betri.
(Textinn er aðeins lúmskari en hann virðist við fyrstu sýn, tílvísanir, minni, anagröm, ég gef ykkur nú samt ekki allt upp.")

Það gerðist

2007-05-23T14:54:00.000Z

Hálfur dagurinn var liðinn með frænku minni. Fórum að skoða Laugaveginn, Hallgrímskirkju, Austurstræti, gáfum öndunum og skoðuðum Reykjavík í allri sinni dýrð. Eftir að hafa farið með hana á Bessastaði þar sem hún var mjög hissa yfir því að engir verðir með byssur vöktuðu svæðið ætluðum við að fara í Perluna. Á Reykjanesbrautinni ákvað einhver maður með kerru aftaní að snarhemla, maðurinn fyrir aftann hann á Volvo ákvað að snarhemla líka. Ég sem var næstur í röðinni ákvað líka að snarhemla, ég rétt svo næ að stöðva bílinn fyrir aftan Volvo-inn þegar ég lít í afturspegilinn og sé að svartur jepplingur stefnir beint á mig á u.þ.b. 70 km hraða. Hið óumflýjanlega gerðist, ég og frænka mín krömdust inni í bílnum og okkar bíll skall á bílinn fyrir framan. Ég ranka við mér, hún er hágrátandi, fæturnir á mér eru kramdir á bremsunni. Stelpan sem ók bílnum fyrir aftan mig tékkar á mér, ég panikka (hef aldrei verið svona hræddur á ævi minni) og hringi í 112, löggan kemur, bílarnir eru fastir saman, enginn var alvarlega slasaður en bíllinn minn er gjörónýtur, allt body-ið á bílnum er beyglað, hurðirnar haldast ekki einu sinni lokaðar. Löggan tók skýrslu og hér eftir sjá tryggingafélögin um allt. Tók nokkrar myndir með símanum:

Bílarnir eru fastir saman, maðurinn er að reyna finna út hvernig eigi að losa þá.

Búinn í prófum!!!

2007-05-21T12:33:00.000Z

Var að koma úr seinasta prófinu, munnlegri stærðfræði, mjög skemmtilegt og hressandi. Ákvað að skrifa allar reglurnar mínar upp í bók sem ég ætla að nota á næsta ári líka fyrir stúdentsprófið, heppilegt að bókin er svört og í A5 stærð svo ég get krotað "Death Note" á hana, svo ef það verður e-ð diss þá fer nafnið á viðkomandi bara beint í bókina - sorrí, svona er lífið bara.

En að öðru - frænka mín er að koma í heimsókn frá Bandaríkjunum á morgun. Hún er e-ð rétt yfir tvítugt, dökk á hörund og heitir Nicole og ég veit bara ekkert hvað ég á að fara að gera með henni hér á klakanum, svo ég spyr ykkur lesendur: Ef þið hétuð Nicole, væruð dökk á hörund, rétt yfir tvítugt og væruð á leiðinni til Íslands, hvað mynduði þá vilja gera?!

Allar uppástungur eru vel þegnar.

Kostulegur draumur

2007-05-18T18:05:00.000Z

Í nótt dreymdi mig einn furðulegasta draum sem ég hef nokkurn tíman upplifað, samt ekki þann furðulegasta.

Ég ranka við mér á stóru túni, allt í kringum mig eru krakkar frá því í grunnskóla, mismunandi gamlir eftir því hve langt er síðan ég hitti þá seinast. Þetta virðist vera reunion, allir eru í góðu skapi, skyndilega stend ég upp og hleyp í átt að hól á túninu og leggst á hann. Þegar ég ligg þarna í makindum tek ég eftir því að allir byrja að ganga í átt að hóteli/safni sem er þarna hinum megin við túnið. Við byrjum á því að skoða safnið sem er fullt af forngripum og undir hverjum einasta forngrip eða listaverki eru dýnur, frekar furðulegt. Næst göngum við að stórri rennubraut sem líkist rennubraut í sundlaug, svona göng sem eru glær. Ég renndi mér niður ásamt hinum og við endum í risastórum sal á neðstu hæð hótelsins. Mér til mikillar óhamingju virtist ég hafa gleymt einhverju en ég vissi ekki hverju. Ég varð að hlaupa út í bílinn og gá, ég fer þá upp stiga sem var að finna þarna úti í horninu og kem mér út án vandræða. Þegar ég kem aftur inn er mér meinaður aðgangur að stiganum svo ég fer inn á safnið í leit að rennubrautinni sem reynist svo vera hið argasta völundahús sem var nú mun myrkara og skuggalegra og á öllum dýnunum voru krakkar að hoppa og starandi á mig. Loksins finn ég rennibrautinna, orðinn nett hræddur við alla þessa krakka og renni mér niður, ég vissi hins vegar ekki að rennibrautinn lá niður að sviðinu í stóra salnum svo ég endaði upp á sviðinu og salurinn var fullur! En þetta voru ekki skólafélagar mínir heldur look-a-likes leikaranna í frægu þáttaröðinni 24 og stóð einhver Jack Bauer look-a-like á sviðinu (Ég veit ekki hvernig ég vissi að þetta væru look-a-likes). Á þessu vandræðalega augnabliki hleyp ég af sviðinu, að tröppunum og út. Þegar út var komið sé ég tvo menn vafnir klæðum sitjandi á beljum fyrir utan. Allt var nú mjög drungalegt og það var byrjað að kvölda. Þeir sitja á beljunum fyrir utan það sem virðist vera bensíndælur. Ég fæ þá slæmu hugdettu að þetta séu fréttamenn frá Miðausturlöndum að taka viðtal við fólk út af nýju bensíndælunum sem þeir voru að setja upp. Ég geng að þeim fús í þessa 5 mínútna frægð sem ég gæti hlotnast en ég sé enn þá ekkert undir þessum klæðum, þeir eru alveg huldir. Næsta sem gerist er mér óskiljanlegt, beljan bítur í höndina á mér og ég reyni að hlaupa burt. Þá dettur Miðausturlandabúinn af beljunni og var hlekkjaður við hana, við það detta öll klæðin af honum og mér til mikils ama sé ég að þetta er blóðþyrst górilla. Ég hleyp af stað með beljuna á höndinni og ég var orðinn heví pirraður á henni og skíthræddur við þessa górillu sem reynir síðan ekkert að ráðast á mig en dregst bara aftan í beljunni á bakinu. Ég reyni að hrista beljuna af mér og vakna þegar ég lem höndunum mínum í vegginn í herberginu mínu.

Hvað táknar þessi draumur?

Jahérna

2007-05-09T21:38:00.000Z

Ef þetta er bara ekki allra slappasta kosningaauglýsing sem ég hef séð, ýtt undir rasisma og kynjaskiptingu í sömu auglýsingunni:
Hún er nú samt svolítið fyndin :P

Stúdentspróf í ensku lokið - magnað

2007-05-08T16:46:00.000Z

Í dag fattaði ég af hverju það er ekki til skammstöfun fyrir „það er að segja“ í ensku.

T.hat I.s T.o S.ay

Gaman að'essu.

A blog says more than 1000 pictures!

2007-05-05T19:01:00.000Z

Due to the upcoming English exam I've decided that every thought escaping my mind must be in English, that way I can stamp that "English intuition" in, keeping my vocabulary even tighter. But back to the subject of this blog, my life and my precious time. Yesterday I went climbing (In the climbing house) with a friend of mine called Guðjón (pronounced [Ku:thjou:n] vaguely), after ripping the skin off my right palm (and thereby painting one wall over there red) I decided that climbing is dangerous but that wont stop me from practicing, I'm gonna climb my way to the top (Sounds cliché, it was done on purpose)! I've also just recently rediscovered the joy of bicycling, after pumping the wheels of my old bike I managed to travel 5 kilometers on a gravel road in just 10 minutes, isn't that remarkable and did I mention it was a gravel road? I also went to see a movie two days ago, first time in the cinema for months. The movie was called The Secret and was supposed to teach you how you can use your personal manifestation to achieve anything, well I appreciated the movie and recommend it if you're in the mood for it. Anyways, as how interesting the subject of my last blog is I decided not to talk about it now since I need to do further experiments on myself, I think it has started to kick in, finally.

Later skaters!

Kominn út í neyslu

2007-05-01T18:05:00.000Z

Hátindur Verkalýðsdagsins líður hjá á meðan ég sit hér og meðtek eitthvað sem kallast á góðri íslensku Brain+. Á eftir ætla ég síðan að prófa kókaín, maríjúana og svo ef ég þori ætla ég að prófa peyote sem á víst að vera það allra sterkasta. Allt er þetta hluti af því nýjasta í binaural wave tækni sem byggist á því að breyta skapi, hegðun og hugarfari með því einu að hlusta á hljóðfæl sem á að örva heilabylgjur. Allt hátæknilegt og engir timburmenn. Núna er ég búinn að hlusta á 64% af þessu svokallaða Brain+ sem var merkt (VERY STRONG DOSE) og ég finn bara ekki fyrir neinu öðru en hausverk og pirringi á þessu hljóði sem ég er að hlusta á.

Fyrirtækið i-doser sem rekur síðuna www.i-doser.com er sökudólgurinn á bak við þetta fyrirbrigði og þeir lofa jafnvel lækningu við mígreni með því einu að hlusta á binaural beats. Einni kalla þeir þessa hljóðfæla öllum fallegu nöfnum á við "dóp framtíðarinnar". Ef ég á að segja sjálfur frá þá finnst mér þetta nú bara vera hið argasta scam og ég trúi því ekki að þetta virki fyrr en ég fæ staðfestingu á því að einhver fái vímuáhrif við að hlusta á þetta.

Prófið að skoða síðuna og ef þið viljið er auðvelt að komast yfir alla "skammtana" á isohunt.com með því einu að slá inn i-doser.

Skemmtið ykkur í neyslunni.

Artí andrúmsloft

2007-04-28T20:24:00.000Z

Ég er uppfullur af einhverju skapandi sem bíður eftir því að springa út og yfirtaka heiminn en ég þori ekki að sleppa því út strax, það þarf að þroskast og dafna. Annars hef ég verið mjög utan við mig undanfarið, það er alltaf eitthvað að trufla mig, eitthvað sem ég á að gera en geri ekki og ég skil ekki af hverju ég geri ekki (Mjög eðlilegt þykir að skilja ekki þessa setningu, 99% prósent fólks sem talar arabísku skilur hana ekki!). Svo hefur mér tekist að semja þrjú lög á tveim vikum og Valborg syngur eitt þeirra, eða þú veist, syngur (Djók, hún syngur).

En nande (Nande = hvernig (japanska (Lærði þetta úr Death Note (Meikar samt ekkert sens að ég sé að nota nande hér, langaði bara að koma japönsku kunnáttu minni að)))), erum við að tala um klassa eða Wii nauðgun? Eða erum við að tala um þetta óútskýranlega mynband þar sem Valborg birtist mér á óútskýranlegan hátt í líki draugs á listasafni Íslands á óútskýranlegri sýningu þar sem körfubolti og fáránlega pirrandi blikkandi ljós eipa á óútskýranlegan hátt inn í sál manns?

Ég er ekki viss, en þú?

Later skaters

Skype í hnotskurn

2007-04-21T18:37:00.000Z

kamihoney: hello can we b a chat friend
Ég: NO
kamihoney: y?
kamihoney: :)
Ég: How old are you?
kamihoney: 27
Ég: Ok, you have some serious issues
kamihoney: on which issue u want to chat?
Ég: The one where you get the f*** away
kamihoney: dont say like that?
Ég: f*** off
kamihoney: no
Ég: Are you retarded or something?
kamihoney: no i m alright
Ég: Ok, then you have some serious issues
kamihoney: ?
kamihoney: ask any think
Ég: Can you f*** off?
kamihoney: u like to abuse other
Ég: No
kamihoney: i like ruge peoples (hann meinar rude)
Ég: You are irritating me by talking shit to me about nothing and spending my time.
kamihoney: no
Ég: Don't you understand the statement?
kamihoney: u r spescial for me
Ég: WTF
kamihoney: r u illetrate?
kamihoney: :)
Ég: If I would be illiterate I wouldn't understand what you're saying so your question was without doubt incredibly stupid

Endirinn skiptir öllu, alltaf, endalaust, skóreim.

2007-04-20T19:47:00.000Z

Í gærkvöldi fór ég að sofa.

En ég sofnaði ekki, af öllum öðrum óteljandi kostum ákvað ég að vaka, vegna sársauka.

Ástæðan fyrir því að ég gat ekki sofnað var að mér var svo illt í bossanum.

Var búinn að hamast allan daginn, vissi ekki að svona mikil gleði gæti haft svona slæmar afleiðingar.

Gat ekkert sofið alla nóttina þótt ég lokaði augunum eins fast og ég gat þangað til ég fékk harðsperrur í augnlokin.

Ég kenni hnakknum á hjólinu um.

Geimverur

2007-04-17T18:45:00.000Z

Í dag, núna, eru 38 mínútur síðan ég hætti ég að trúa á geimverur (Þar sem geimverur flokkast sem æðri lífverur en menn og ekki frá Jörðinni).

Í fyrsta lagi, ef til væru geimverur þróaðri en menn væru þær löngu búnar að láta okkur vita af tilvist sinni (með því t.d. að yfirbuga okkur).

Í öðru lagi, af öllum næstum endalaust mörgu plánetum í heiminum væri líklega hægt að finna líf á einhverri þeirra en þar sem staðreynd eitt stenst geta lífverurnar ekki verið þróaðri en við sem leiðir okkur til þess að við erum þróuðustu lífverur heims (Þetta vekur upp böns af spurningum sem Blogger tekur ekki við, sorrí).

Í þriðja lagi, ég byrja ekki að trúa á geimverur fyrr en ég sé þær (eða finn fyrir þeim á einhvern hátt ef við gefum okkur að geimverur þurfa ekki að vera efnislegar).

Nú get ég bara beðið og vonað að ég verði brottnuminn af geimverum.

Þróun

2007-04-14T23:26:00.000Z

Allir kannast við setninguna „Þeir hæfustu lifa af“. Þessi setning er einnig notuð til að útskýra þróun. Þ.e.a.s. hvernig þeir hæfustu lifa af og „þróast“ loks yfir í „hæfari“ tegund.

En mennirnir? Í dag lifa allir af! Þeir óhæfu hafa alveg jafn mikla möguleika á að fjölga sér og þeir hæfu, hvert leiðir þessi staðhæfing okkur?

Mennirnir munu ekki þróast meira!

Sjáið t.d. þessa (Afbakaður ég í boði Hödda):

(Svakalegt enni! Stefnir þróunin í þessa átt?)

(Myndi ekki vilja mæta þessum í skuggalegu stræti um miðja nótt!)

Sorg og gleði - fann þetta

2007-04-08T21:25:00.000Z

Síminn tekur alveg ágætar myndir - stundum, læt þetta duga í bili.

Guðmundur með e-n skæting og riskingar á hóstelinu.

Árni sýnir brettasnilli í Bláfjöllum!Bjarni og Alexander með skæting, nenni ekki að snúa myndinni :)

Slappur páskadagur

2007-04-08T20:35:00.000Z

Þar sem ferðasagan er ekki að vekja mikla lukku ætla ég að sleppa því að skrifa um daga 3-5 þar sem þeir voru eiginlega alveg eins og dagar 1-2 nema meira fjör, ókeypis rauðvín, salsabar, Bastillutorgið, Lollipop og læti.

Annars hefur páskadagurinn hjá mér verið frekar slappur, eins og ég í dag. Fór á snjóbretti eftir Frakklandsferðina sem hefur örugglega ekki bætt ástand mitt, horfði á Labrynth (Mynd eftir David Bowie sem er svolítið *spes*) með Valborgu, Erlingi, Níels og Alexander og svo samdi ég lag með Valborgu í gær sem hefur líklega leitt til flensunnar minnar í dag. Valborg líkti mér við amfetamínfíkil miðað við ástandið sem ég var í , skrýtið hvað hún kemst nálægt sannleikanum (Not). Síðan fór ég líka á Hot Fuzz, stjörnugóð mynd þar á ferð! Endaði svo í e-u partíi á föstudag en það er önnur saga...

Ekki bætti úr skák (Ég rústaði Valborgu í skák í gær, hún hafði þá afsökun að hún væri þunn...) að þar sem ég er veikur komst ég ekki út með hundinn minn og áðan þegar ég ætlaði að leggja mig í rúminu mínu var hún búin að skilja eftir óvæntan páskaglaðning, jeij! Svo missi ég af kvöldmati hjá Tomma, sem bauð mér sérstaklega því ég er einn heima og það eru Páskar...

Gleðilega páska

Ferðasaga - dagur 1-2 (sjálfstætt framhald)

2007-04-05T23:35:00.000Z

1. Apríl

19:00 - 08:00 *Censored* (Frá deginum áður)

09:00 Förum eldsnemma á Louvre safnið víðfræga, bíðum í hálfskílómetra langri röð en tekst loks að komast inn. Sjáum m.a. Mónu Lísa, hauslausa engilinn, múmíu, rústir undir Louvre og fullt af menningarsinnuðu fólki.

11:15 Ég, Valborg, Gummi, Alexandra og co. eypum fyrir utan Louvre við mikinn fögnuð viðstaddra.

12:00 Förum í pique nique í e-m garði, nestið var ekki það besta í ferðinni svo við gefum dúfum matinn okkar - það voru mistök.

13:00 Við förum á veitingastað rétt hjá Panthéon þar sem ég fæ pizzu með 100% Mozarella og Fullnægingu sem ég deili með Höllu, Thelmu og Gumma.

14:00 Valborg týnist og fer að gráta.

15:00 Við föttum að Valborg sé týnd.

15:03 Valborg fær lánaðan gsm síma hjá menningarsinnuðum Frakka.

16:09 Valborg kemst í leitirnar, eypar á Berglindi og missir legvatnið.

17:00 Við förum í skrúðgarð og skemmtum okkur kongunglega.

18:00 Finnum veitingastað með ódýr hanastél og fínan mat. Kvöldverðurinn tekur fjórar fkn klukkustundir sem er allt of mikill tími.

22:00 *Censored*

Framhald síðar

Ferðasaga - dagur 1

2007-04-05T12:20:00.000Z

Einhvern vegin eyddust allar myndirnar úr myndavélinni minni á óútskýranlegan hátt þegar ég var að taka mynd af Berglindi með 5 radísur uppi í sér (Já þetta voru radísur, ekki eitthvað annað). Allar ábendingar um hvernig hægt sé að ná þeim úr minniskortinu eru vel þegnar því ég veit að myndirnar eyðast ekki þegar maður dílítar þeim. Ætla síðan ekki að taka fram villtustu hápunkta þessarar ferðar þar sem ég held að ákveðnir kennarar í skólanum lesi síðuna...

En aftur að ferðinni, 31. mars.

03:15 Vakna hress, sæki Valborgu, Níels og Alexander og við mætum laaang fyrst af öllum á flugvöllinn.

05:00 Vélin er yfirbókuð og mér býðst það óhafnanlega tilboð að fá 400 evrur, dvöl á lúxushóteli, ferð í Bláa Lónið og för næsta dag með Business Class, ég sagði nei og braut lögmálið um að þetta væri óhafnanlegt tilboð.

0?:00 Á alveg óútskýranlegan hátt flytjumst við til í tíma og rúmi og lendum í París eftir nokkra tíma. Rútan ætlar aldrei að koma sér á hótelið en á nokkrum tímum tekst okkur að rata þangað.

13:50 Hitti Guðmund á hótelinu sem var án efa einn af hápunktum ferðarinnar.

14:00 Við skoðum vistarverur okkar, farfuglahótelið sem samanstendur af þröngum herbergjum með kojum sem hafa u.þ.b. 5 cm þykkar dýnur. Staðsetningin á hótelinu var samt mjög góð, rétt fyrir utan Louvre.

17:00 Við göngum niður Rue du Rivoli, skoðum Pompidou þar sem e-r teiknari lætur mig ekki í friði og vælir í mér um að fá að teikna mig í svona 20 mínútur, honum tekst það ekki.

18:30 Förum á Flunch, franskan veitingastað. Alexandra hrindir niður borði og við flýjum út.

19:00 Við göngum að Notre Dame og eftir það tvístrast hópurinn í leit að djamminu í París.

GB - við unnum!

2007-03-30T20:15:00.000Z

Hvort táknar titillinn Grímuball eða Gettu Betur (eða kannski e-ð annað)?

Fyrir Grímuballið (Rambó)

Eftir Grímuballið (Hress)

Núna (Þreyttur)
Á morgun (Frakkland, myndir koma síðar þar sem ég get ekki tekið myndir úr framtíðinni...)

Næstum því sönn saga

2007-03-28T17:55:00.000Z

Hún vaknaði.

„Hvað er þetta? Allt í kringum mig er klístrað og slímkennt, hlýtur að hafa verið brjálað partí í gær, klárlega, man ekkert hvað gerðist."

Hún reynir að nudda stírurnar úr augunum en kemst svo að því á skelfilegan hátt að hún hefur ekki hendur aðeins líkama sem hún hefur ekki stjórn á, í örvæntingu kallar hún á hjálp.

„Hjálp, Ég er blind!" og hugsaði svo með sjálfri sér: „Drakk ég virkilega tréspíra í gær?"

Hún fann eitthvað loðið snerta sig.

„Herra, geturu hjálpað mér? Ég er blind og máttvana"

Hann hélt áfram að snerta hana þangað til hann umlukti hana, hún fylltist hræðslu en gat sér enga björg veitt.

Fyrsta sem kom upp í huga hennar var: „NAUÐGUN! Hjálp! Það er verið að nauðga mér!"

Eftir það hvarf hún inn í tómið...

Þessi saga var um stuttan líftíma Paris Hilton eftir að hún endirfæddist sem amaba, Paris vissi hins vegar ekki hvaða frumuát er...

Rottueitur

2007-03-25T10:53:00.000Z

„Hvað er í þessu?

Eitur.

Ok, leyf mér að smakka."

„Hvað er í þessu?

Rottueitur.

Oojjjjjj!"

Þetta er ofmetið orð, sérstaklega þegar viðkomandi veit ekki einu sinni hvaða efni eru í rottueitri.

Truflandi

2007-03-20T20:17:00.000Z

[Síminn hringir]

Ég: Gott kvöld
Hún: Já gott kvöld, ég heiti ***** og ætlaði að segja þér að þú lentir í úrtaki hjá okkur.
Ég: (Var ég að vinna eitthvað? Best að hlusta áfram)
Hún: Þér býðst sérstakt tilboð af Master Card korti, alveg eins og debet kort, fyrsta árið frítt (Eins og díler, fyrsta skiptið alltaf frítt), bla bla bla og síðan er 5000 króna ferðaávísun sem fylgir.
Ég: (Horfi á símann, call duration: 5 minutes and 38 seconds) Nei takk
Hún: (Geðveikt svekkt yfir að ég hafnaði þessi æðislega tilboði) Þá fer það bara ekki lengra.

Svona truflanir eru að fara í mínar fínustu, það nýjasta sem er mest truflandi er að einhver, ég veit ekki hver, hringir heim til mín svona 15 sinnum á dag og skellir síðan á um leið og það er svarað! Verst að við erum ekki með símanúmerabirti. Þetta er búið að ganga svona í yfir viku, er orðinn nett pirraður.

Samt lítið jafn truflandi og þessi mannhundur:

Mannhundar eru ekki kúl.

Þessi skrýtna bíótilfinning

2007-03-17T22:55:00.000Z

"Excessive consumption may cause laxative effects", hlaut að vera að fyrirtækin á þessari svo kölluðu tæknisýningu væru með óhreint mjöl í pokahorninu.

En að titlinum, mér líður alltaf jafn skringilega eftir bíóferð, veit ekki af hverju, alltaf jafn skrýtin tilfinning. Í hvert einasta skipti sem ég hef farið í bíó síðan ég bjó til þessa síðu hef ég fundið fyrir löngun til að hripa eitthvað niður um þetta en mér fannst það frekar tilganslaust. Kannski því ég geri alltaf of miklar væntingar til myndanna og verð fyrir vonbrigðum, varð meira að segja fyrir vonbrigðum eftir að hafa séð 300 með Kidda, Herði og svo Ella sem kom óvænt.
**********
Um daginn notaði ég óvart gúgla í staðin fyrir sögnina að leita. Ekki að það sé eitthvað athugavert, málið er bara að ég er orðinn sjúklega þreyttur á fólki sem spyr mig einfaldra spurninga sem google svarar. Það liggur við að mig langi að svara „UPPI Í RASSGATINU Á ÞÉR" þegar fólk spyr mig um auðgúglanlegar upplýsingar.
***********
Að lokum - pæling líðandi stundar. Þegar vélmenni munu vinna öll störf fyrir okkur í framtíðinni, hvernig fáum við þá laun (þ.e.a.s. ef við þurfum þau)? Ef vélmennin geta bókstaflega gert allt fyrir okkur, hver er þá tilgangur okkar? Hvernig gæti þannig ríki ekki verið kommúnistaríki?

Ég bara spyr...

Punktar helgarinnar

2007-03-11T21:56:00.000Z

"Keyrði" þrisvar sinnum yfir á rauðu ljósi (óvart - athugið að gæsalappirnar eru túlkunaratriði).
Fór í fræðilega efnafræðikeppni í gær sem byrjaði kl. 10:00 um morguninn (Keyrði yfir á rauðu ljósi á leiðinni þangað). Keppnin gekk síðan alveg ágætlega.
Fór að rúnta með Kidda í brjáluðu veðri og "keyrði" yfir á rauðu ljósi öllum til mikillar ógleði.
Fór í Verklega efnafræðikeppni í morgun sem var mjög hressandi ("Keyrði" yfir á rauðu á leiðinni þangað, alveg ómeðvitað. Ég og Bjössi rekjum það samt til lagsins "Hendur í loft upp fyrir Detroit").

Títraði lausn sem var fyrst dökk brún
svo kaffibrún
svo svört
svo fjólublá
svo ljósfjólublá
og svo eins og mjólk
Síðan mátti ég drekka lausnina því þetta var mjólk í dulargervi (djók).

Eftir þá tilraun gerði ég aðra sem ég get ekki lýst út af blogger.

Eftir keppnina fórum ég og Bjössi á tæknisýninguna í Smáralind (sem var ekkert tæknileg), það kostaði 1200 krónur inn svo reglurnar sem við settum okkur var að koma út með nammi að andvirði yfir 1200 króna.
Það tókst (margfalt).
Kiddi beilar á bíóferð á number 23 vegna ritgerðar.
Fyndið að heimasíðan mín er að fá yfir 50 hits á dag frá Google vegna fólk sem gúglar "Britney tattoo". Klám selur, samt ómeðvituð markaðssetning hjá mér.
Helgin endar á mér lesandi "Never let me go" sem er virkilega bók sem kemur á óvart, sé ekki eftir að hafa valið hana, örugglega betri en líf pís...

Pómó

2007-03-07T19:58:00.000Z

Tvisvar sinnum var konan á biðstöðinni að telja bréfaklemmurnar sínar. Aldrei komst hún að því hvað þær voru margar vegna þess að hún kunni ekki talningarfræði. Hún átti alltaf í vandræðum með tölur sem innihéldu þrjú atkvæði, þess vegna ákvað hún að leggjast á gólfið og í bæði þessi tvö skipti hafði hún lagst í ferska ælu. Þá ákvað hún að velta sér upp úr ælunni sem var ekki gáfulegt og í bæði skiptin var henni ekki hleypt inn í rútuna. Þegar þetta kom fyrir hana í annað skipti brjálaðist hún. Hún öskraði af öllum sínum lífs og sálarkröftum og kastaði öllum bréfaklemmunum sínum í rútuna. Allar bréfaklemmurnar voru hins vegar tengdar saman eins og keðja og flæktist annar endinn í konunni. Þegar rútan lagði af stað dróst konan því á eftir rútunni alla leiðina til næstu gatnamóta þar sem keðjan slitnaði og konan varð fyrir bíl og lamaðist.

Endir

Bíddu - ha?

2007-03-03T19:04:00.000Z

Ef fæðingarorlofið verður lengt úr 9 mánuðum í 12 getur fólk þá ekki verið í samfelldu fæðingarorlofi í tugi ára?

Hljómar kannski hæpið en ég meina, það er til aðþrengt fólk sem væri tilbúið að leggja þetta á sig til að þurfa ekki að vinna.

*Update*

Farið á ruv.is og kíkið á þáttinn hans Jón Ólafs sem var sýndur í dag, eitthvað eftir miðju þáttarins er maður að spila á stratovarius fiðlu. Eftir flutninginn gerist dálítið merkilegt!

Reyndar leiðrétti þulan eftir þáttinn hvað hafði gerst en jafnvel þó það hafi ekki verið satt þá var þetta allsvakalegt.

Spurning til lesenda

2007-03-03T07:34:00.000Z

Hvort segir maður:

-Náttúrulega eða náttúrlega?

Rökstyðjið.